«Самрук-Қазына» АҚ компаниялар тобының қайырымдылық көмек көрсету жөніндегі бірыңғай саясатын іске асыруды «Samruk-Kazyna Trust» әлеуметтік жобаларды дамыту қоры жүзеге асырады.

Қордың миссиясы халықтың әлеуметтік-экономикалық өмір сүру деңгейін жақсартуға және Қазақстан Республикасының өркендеуіне ықпал ету болып табылады.

«Samruk-Kazyna Trust» заңдылық, тең құқықтылық, еріктілік және жариялылық принциптерін ұстана отырып, қайырымдылық жобаларды келесі бағыттар бойынша іске асырады:

• Әлеуметтік және медициналық сектордағы адамдарға, қоғамдастықтарға көмек көрсету;
• Медиа, мәдениет қоғамдастығын дамыту, адам әлеуетін арттыру, еңбек қатынастарын нығайту және қоғамның тұрақты дамуына инвестиция салу;
• «Самрук-Қазына» АҚ компаниялар тобы жұмыс істейтін өңірлерде әлеуметтік инвестициялардың өңірлік бағдарламаларын іске асыру.

«Samruk-Kazyna Trust» әлеуметтік жобаларды дамыту қорының қызметі туралы толық ақпаратпен www.sk-trust.kz ресми сайтында танысуға болады.

Сонымен қатар, Компания корпоративтік еріктілік (волонтерлік) және жергілікті қоғамдастықтарға көмек көрсету арқылы салауатты өмір салтын насихаттауға, жастар саясатын іске асыруға, халықтың әлеуметтік осал топтарына, аз қамтылған азаматтарға және т.б. көмек көрсетуге бағытталған бағдарламаларды жүзеге асырады.

2020 жылдан бастап Компания еріктілік акцияларын өткізу арқылы қоғам алдындағы әлеуметтік жауапкершілік саласындағы ESG-принциптерін белсенді түрде ілгерілетіп келеді. 2020 жылдан бері 6 мыңнан астам іс-шара, ал 2023 жылы 1 мыңнан астам іс-шара іске асырылды.

Еріктілер қозғалысын жүйелі түрде дамыту үшін 2023 жылы еліміздің түкпір-түкпірінен Компания қызметкерлерінің басын қосқан «Корпоративтік еріктілер мектебі» жобасы басталды. 120 қатысушы үшін Әлеуметтік өзара іс-қимыл және коммуникациялар орталығының, Samruk-Kazyna Trust және Әлеуметтік жобалар қорының өкілдерімен панельдік сессиялар, сондай-ақ Қазақстанның еріктілер қозғалысы көшбасшыларының оқыту семинарлары өткізілді.

Сондай-ақ «ҚТЖ» ҰК» АҚ компаниялар тобының қызметкерлері арасында 5 номинация бойынша жыл сайынғы «Жылдың корпоративтік еріктісі» байқауы ұйымдастырылды.

Жалпы алғанда, 2024 жылы қызметкерлер еріктілік қызметке 30 мыңнан астам адам-сағат жұмсады.

2024 жылы корпоративтік еріктілер (волонтерлер) бірқатар акциялар мен іс-шараларды іске асыруға көмек көрсетті, олардың ішінде:

• су тасқынынан зардап шеккен қызметкерлер үшін қаражат пен гуманитарлық көмек жинауға қатысу және бір күндік жалақыны аудару;
• мемлекеттік, ұлттық мерекелерді және кәсіби мереке – Көлік қызметкерлері күнін мерекелеуді ұйымдастыру;
• Балаларды қорғау күніне, Білім күніне және Қарттар күніне орай мерекелік іс-шаралар өткізу;
• шалғайдағы станциялар мен разъездерде тұратын көпбалалы отбасылар үшін «Баланы мектепке дайындайық» акциясын өткізу;
• Астана қаласында өткен «ҚТЖ» ҰК» АҚ-ның XIII Республикалық жастар форумы аясында Жаңа жыл қарсаңында ерекше балаларға арналған «Балалар арманының шыршасы» акциясын өткізу, сондай-ақ бұл бастаманы Ақтөбе, Атырау, Шымкент, Қарағанды, Өскемен өңірлеріндегі жас қызметкерлердің күшімен тарату (жалғастыру);
• «Самрук-Қазына» АҚ Қордың компаниялар тобы қызметкерлерінің ерекше балалары үшін өткізген «Арман шыршасы» акциясына қатысу;
• саланың жалғызбасты ардагерлері мен зейнеткерлері үшін «Азық-түлік себеті» және «Қысқа арналған тұрмыстық көмір» акцияларын өткізу;
• өңірлерде «Коммуналдық қызмет жұмыскерлеріне көмек» акцияларын өткізу.
• Компания сондай-ақ келесі құралдар арқылы жергілікті қоғамдастықтарды дамытуға және қолдауға көмектеседі:
• Компания қызметкерлері тұрақты түрде қан тапсыру (донорлық) акцияларына қатысады;
• Жеңіс күні мен Көлік қызметкерлері күніне орай тыл еңбеккерлері мен сала ардагерлеріне барып, азық-түлік жиынтықтарын табыстау ұйымдастырылды;
• Қарттар күнінде 100-ден астам зейнеткер құттықталып, естелік сыйлықтармен марапатталды;
• Наурыз мейрамы қарсаңында бірнеше өңірдегі қызметкерлер қайырымдылық жәрмеңкелерін өткізеді;
• Жеңіс күні мен Көлік қызметкерлері күнінде «Жолаушылар тасымалы» АҚ қызметкерлері сала зейнеткерлерінің, Ұлы Отан соғысы ардагерлерінің және тыл еңбеккерлерінің үйлеріне барып, оларға сыйлықтар мен азық-түлік себеттерін табыс етті;
• «KTZ Express» АҚ қызметкерлері Астанадағы Ана мен бала ұлттық ғылыми орталығының аумағына алмұрт көшеттерін отырғызды;
• сонымен қатар зейнеткерлерге үй шаруасына көмектесу, аумақты тазалау және қоқыс шығару бойынша қолғабыс көрсетілді;
• ай сайын «Қазтеміртранс» АҚ қызметкерлері Соқырлар қоғамына азық-түлік, бірінші кезекте қажетті заттар сатып алу, физикалық және материалдық көмек көрсету түрінде қолдау көрсетеді;
• «Қазтеміртранс» қызметкерлері «Мейірімді жандар клубымен» де тығыз жұмыс істейді. Олар ерекше балалары бар әріптестеріне тұрақты түрде көмек көрсетіп тұрады.

2024 жылы «ҚТЖ» ҰК» АҚ компаниялар тобының 45-тен астам қызметкерінен ауру-сырқау, жазатайым оқиғалар және басқа да жағдайларға байланысты қаржылық қолдау көрсету туралы келіп түскен өтініштерге жауап ретінде, Компанияның басқа қызметкерлерін ерікті түрде қайырымдылық жасауға шақыру мақсатында корпоративтік пошта арқылы хаттар тарату және «Қазақстан теміржолшысы» газетіне мақалалар жариялау арқылы қаражат жинау ұйымдастырылды. Бұл шаралар мұқтаж қызметкерлерге көмек көрсету үшін қомақты қаражат жинауға мүмкіндік берді.

Төтенше жағдайларды жоюға көмек көрсету

2024 жылы Компания су тасқыны зардаптарымен күреске елеулі үлес қосты. «ҚТЖ» ҰК» АҚ су тасқынынан зардап шеккен өңірлерге көмек көрсету үшін 2 млрд теңге бөлді.

Компания пойыздарымен су тасқынынан зардап шеккен 12 мың адам, әскери қызметшілер, еріктілер мен құтқарушылар тасымалданды, оның ішінде 8,9 мың жолаушы су басу аймақтарынан жолаушылар вагондарымен шығарылды.
540 бала емдік-сауықтыру орталықтары мен балалар лагерлеріне жіберілді. Апаттық-құтқару жұмыстарын жүргізу үшін Қорғаныс министрлігінің, ТЖМ-нің және Ұлттық ұланның 2,6 мыңнан астам жеке құрамы жеткізілді.
Төтенше жағдайды жою үшін 1 мың бірлік ауыр техника, 1,5 мың тонна ірі кесек тас (бутовый камень), 5,6 мың тонна қиыршық тас тасымалданды. 45 шайылуға қарсы және 47 өрт сөндіру пойызы құрылды. ҚТЖ-ның арнайы пойыздарымен 9,9 мың текше метрден астам еріген су сорылды.

Табиғи апатпен күресу үшін 23 мыңнан астам теміржолшы жұмылдырылды. 930 теміржолшы-ерікті тартылды. 2,6 тонна гуманитарлық көмек жиналды.

Әлеуметтік нысандарды салу

2025 жылы Компания өзі жұмыс істейтін өңірлерде әлеуметтік нысандарды салу бойынша бірнеше жобаны бастады, атап айтқанда:

• Салалық кәсіподақпен бірлесіп Екібастұз қаласында футбол алаңы салынды, ол тек ҚТЖ қызметкерлерінің ғана емес, қала балаларының да тартылыс орталығына айналды.
• Жетісу облысы Панфилов ауданының Жаркент қаласында 140 орындық балабақша құрылысы жүргізіліп жатыр. Негізгі құрылыс-монтаждау жұмыстары, сыртқы гидрооқшаулау және жылуоқшаулау жұмыстары, сондай-ақ сыртқы инженерлік желілер бойынша жұмыстар орындалды.
• Өңірлердің тұрақты әлеуметтік дамуына бірлескен үлес ретінде әлеуметтік жобаларды қаржыландыру бойынша Wabtec компаниясымен келісімге қол қойылды. Жобалар Аягөз және Сексеуіл сияқты шағын қалалардың әлеуметтік инфрақұрылымын қамтиды.

Эко-жобалар

Компания серіктестерімен бірлесіп ел экологиясын жақсартуға үлес қосуда.

Тоғай ормандарын қалпына келтіру

Оңтүстік Балқаш маңындағы өрттен кейін экожүйені қолдау үшін ОТЛК ЕРА компаниясы (ҚТЖ, РЖД және БЖД бірлескен кәсіпорны) Қазақстанның тоғай ормандарын қалпына келтіру жобасын жүзеге асыруда.

Бастама аясында елде 2022-2024 жылдар аралығында жалпы аумағы 14 гектар болатын 39 700-ден астам ағаш отырғызылды. 2025 жылы 15 000 ағаш отырғызылуда.

Тоғай ормандары Бұқар маралдары (бұғылары) мен басқа да тұяқты жануарлар үшін өте маңызды биотоп болып табылады. Сонымен қатар, мұндай ормандар табиғи су реттегіші қызметін атқарады.

«Таза Қазақстан» акциясын іске асыру

Табиғатқа және экологияға ұқыпты қарау мәдениетін дамыту аясында Компания 2025 жылы Қазақстанның бүкіл аумағында 120 мың терек, акация, айлант және қарағаш көшеттерін отырғызу бастамасын жүзеге асыруда.

Көшеттерді тікелей отырғызуды ҚТЖ компаниялар тобының қызметкерлері жүзеге асырады. Бұл бастама теміржолшылар тарапынан «Таза Қазақстан» республикалық қозғалысына көрсетілген қолдау болып табылады.