Қазақстанның 1400 астам теміржолшысы кәсіби мерекеге орай марапатталды

01-08-2025

Биыл теміржолшылардың кәсіби мерекесі ресми түрде тәуелсіз мереке мәртебесіне ие болды. Енді жыл сайын, тамыздың бірінші жексенбісінде Қазақстанда Теміржол көлігі қызметкерлерінің күні атап өтіледі. Бұл шешім кәсіптің маңыздылығын, оның тарихын құрметтеуді және теміржолшылардың Қазақстанның дамуына қосқан елеулі үлесін мойындағандықты көрсетеді. 

Биыл "ҚТЖ" ҰК" АҚ-ның 1400 астам қызметкері түрлі марапаттарға ие болды. 100 астам адам мемлекеттік наградалармен марапатталды. Жоғары дәрежелі айырым белгілерін Қазақстан Президенті Қасым-Жомарт Тоқаев Ақордада жеке өзі тапсырып, елдің дамуындағы теміржолдың шешуші рөлін атап өтті. 
 

"ҚТЖ" ҰК" АҚ көлік-транзиттік әлеуетті арттыруға бағытталған ауқымды инфрақұрылымдық жобаларды іске асыруды жалғастыруда. Трансқазақстандық теміржол дәлізін қалыптастыру аясында 1700 шақырым жаңа желі салынуда. 2025 жылы Достық – Мойынты учаскесінде және  Алматыда айналма жолы желісінде екінші жолдардың құрылысы мерзімінен бұрын аяқталады. Сонымен қатар, жалпы ұзындығы 3000 км жуық жеті учаскеде автоблоктауды жаңғырту және енгізу жүргізілуде. Сондай-ақ жыл сайын 1400 км теміржол желісіне жөндеу-жол жұмыстары жүргізілуде және жылжымалы құрам белсенді түрде жаңартылуда. 

Сала ардагерлері мен барлық өңірлік бөлімшелердің қызметкерлері шақырылған Астанадағы компанияның орталық кеңсесінде өткен салтанатты жиында "ҚТЖ" ҰК" АҚ Басқарма төрағасы Талғат Алдыбергенов баршаға мамандыққа адалдығы мен қажырлы еңбегі үшін алғыс айтты. Ол маңызды мемлекеттік және салалық міндеттерді табысты іске асыру мыңдаған ұжымның күнделікті жұмысының арқасында мүмкін болғанын атап өтті.
 

Бүгінде ҚТЖ-да 110 мыңнан астам адам бар. Компания жүйелі түрде қолайлы еңбек жағдайларын жасау үшін жұмыс істеуде. 

Жас қызметкерлерге арналған тәлімгерлік институтын дамытуға және перспективалы қызметкерлер қатарынан кадрлық резервті қалыптастыруға ерекше назар аударылады. 

Мереке дәстүр бойынша компанияның барлық өңірлік бөлімшелерінде өтеді және салтанатты жиналыстармен, қорытындылармен, ардагерлер мен саланың үздік өкілдерін құрметтеумен сүйемелденеді. 
 

«Қазақстан темір жолы» ҰК» АҚ баспасөз қызметі