"Таза Қазақстан" экологиялық акциясына елеулі үлес қосқан филиалдар марапатталды

09-12-2024

"ҚТЖ-Жүк тасымалы" ЖШС-де Мемлекет басшысының экологиялық бастамасы - "Таза Қазақстан"акциясын іске асыруға белсенді қатысқан филиалдарды марапаттау рәсімі өтті. Іс-шараның мақсаты-қызметкерлердің назарын табиғаттың ластануы, қоршаған ортаны қорғау және экологиялық мәдениетті қалыптастыру мәселелеріне аудару. Осы бастама аясында үлкен жұмыс атқарған Павлодар, Қарағанды, Алматы, Қызылорда және Илецк жүк тасымалы жолдары бөлімшелерінің ұжымдары ЖШС басшылығының атынан алғыс хаттармен марапатталды.

11 ай ішінде "ҚТЖ-Жүк тасымалы" ЖШС филиалдарының қызметкерлері кәсіпорындар аумағындағы экологиялық жағдайды жақсартуға және тазалықты сақтауға бағытталған тұрақты экологиялық іс-шараларды өткізді.

Өткізілген акциялардың қорытындысы бойынша әкімшілік-тұрмыстық және өндірістік объектілердің 498 156 шаршы метр аумағы тазартылды. Жұмыс барысында қызметкерлер қалдықтардың едәуір көлемін жинады және кәдеге жаратқан: 11 504,65 кг макулатура, 454 кг пластик, 3 934 кг аккумулятор, 2 456,4 кг ұйымдастыру техникасы.
Сонымен қатар, нысандар аумағында 2192 ағаш отырғызылды, бұл экологиялық жағдайды жақсартуға маңызды үлес болды.

Сонымен қатар, ҚТЖ қызметкерлері арасында қоршаған ортаны қорғау бойынша корпоративтік деңгейдегі олимпиаданың жеңімпаздары марапатталды. Байқауда бірінші орынды "Адал еңбек"медалімен марапатталған Курорт-Бурабай пайдалану локомотив депосының қызметкері Әсел Тұрлыбаева иеленді. Екінші орынды Жамбыл эксплуатациялық локомотив депосының қызметкері Гүлдана Хусайнова иеленді.

Сонымен қатар, экологиялық акцияға белсенді қатысқаны үшін Семей эксплуатациялық вагон депосының экологы Қайрат Сәдуақасов грамотамен марапатталды.

«Қазақстан темір жолы» ҰК» АҚ баспасөз қызметі