ҚТЖ локомотив шаруашылығы қысқы кезеңде жұмысқа дайындалуда

17-09-2026

«ҚТЖ – Жүк тасымалы» ЖШС-де жедел штаб құрылды және 15 негізгі бағытты қамтитын іс-шаралар жоспары бекітілді. Негізгі мақсат – төмен температура мен тұрақсыз ауа-райы жағдайында тасымалдау процесінің қауіпсіздігін және компанияның сенімді жұмысын қамтамасыз ету.

Қысқа 608 қызметтік және өндірістік нысандарды дайындау қажет. Бүгінгі таңда 374 нысанда жұмыстар аяқталды, 234 нысанда дайындау  жалғасуда. Ағымдағы жөндеуге жоспарланған 22 ғимараттың 15-і толығымен дайын. Сондай-ақ, жылу жүйесіне қызмет көрсету жалғасуда: жұмыстар 78 қазандықта қарастырылған, 42 нысанда аяқталды. Техникалық көмірді жеткізу қатаң бекітілген кесте бойынша жүзеге асырылуда.

Қызметкерлер қысқы арнайы киіммен және аяқ киіммен қамтамасыз етілуде. Жеткізу жоспары орындалады: жылы киімнің негізгі көлемі 15 қазанға дейін, ал арнайы аяқ киім қазан айынан бастап жеткізіледі.

Кадрларды оқытуға ерекше көңіл бөлінеді: қысқы жағдайда жұмысқа дайындықтан 1462 «алғашқықыстықтар» өтеді. Жаңа қызметкерлер тәжірибелі тәлімгерлерге бекітілген.

Қыста пайдалануға 1 661 локомотив дайындау жоспарлануда. Тартқыш жылжымалы құрамды қысқы жұмыс режиміне ауыстыру 10 қыркүйек пен 30 қазан аралығында жүргізіледі. Барлық жұмыстардың барысы штабтың тұрақты бақылауында.

«Қазақстан темір жолы» ҰК» АҚ баспасөз қызметі