ҚТЖ корпоративтік омбудсмені Алматы және Қарағанды өңірлерінің теміржолшыларымен кездесті

03-11-2026

2026 жылдың III тоқсанында «ҚТЖ» ҰК» АҚ корпоративтік омбудсмені Қанат Әлмағамбетов Алматы және Қарағанды өңірлерінің теміржолшыларымен көшпелі кездесулер өткізді. Кездесулер Алтынкөл торабының, Жезқазған, Қызылжар, Жаңаарқа станцияларының және басқа да өндірістік объектілер еңбек ұжымдарымен өтті.

Негізгі мақсат – қызметкерлерден кері байланыс алу, олардың ұсыныстарын тыңдау және еңбек құқықтарына, әлеуметтік жағдайлар мен өндірістік қызметке қатысты мәселелерді шешуге көмектесу.

Еңбек жағдайлары, медициналық қамтамасыз ету, арнайы киім, кадрлармен қамтамасыз ету, көлікке қол жетімділік және өндірістік инфрақұрылымның жағдайы басты назарда болды. 

Теміржолшыларды қызметтік тұрғын үймен қамтамасыз ету өзекті мәселелердің бірі болып қала береді. Қызметкерлерге Астана, Шымкент және Семей қалаларында қызметтік көппәтерлі үйлер салу бойынша ҚТЖ пилоттық жобасы туралы айтылды. Егер жобаны сәтті іске асырылса, оны басқа өңірлерге тарату жоспарлануда.

Кездесулердің маңызды тақырыбы жаңа Ұжымдық шартты қалыптастыру болды. Корпоративтік омбудсмен қызметкерлерді еңбек жағдайларын, әлеуметтік кепілдіктерді, медициналық қызмет көрсетуді және тұрмыстық жағдайларды жақсарту жөнінде ұсыныстар жіберуге шақырды. Барлық бастамаларды жұмыс тобы қарайды. Негізделген ұсыныстар құжаттың жобасын дайындау кезінде ескерілетін болады.

Алтынкөл станциясында халықаралық көліктік-логистикалық торапты дамыту мәселелері де қаралды. Атап айтқанда, мемлекеттік органдар мен халықаралық әріптестердің қатысуымен ресми кездесулер, келіссөздер мен іс-шаралар өткізу үшін жолаушылар вокзалының «А» блогын қазіргі заманғы визит-орталыққа айналдыру ұсынылды. Бұдан басқа, тасымалдау көлемінің өсуін ескере отырып, кеден бекетінің штатын ұлғайту туралы мәселе көтерілді.

Қызметкерлер қозғалыс қауіпсіздігі мәселелерін де: темір жолдардың жай-күйі, жылдамдықты шектеу туралы ескертулер, сондай-ақ малдың темір жолдарға шығу проблемасын қозғады. 

Кездесулердің қорытындысы бойынша сұрақтардың бір бөлігіне жергілікті жерде түсініктемелер берілді. Қалған өтініштер мен ұсыныстар әрі қарай пысықтау үшін жауапты бөлімшелерге берілді.

«Корпоративтік омбудсмен институтының басты міндеті – қызметкер мен Компания арасындағы байланыстырушы буын болу. Әрбір теміржолшы мәселені ашық түрде белгілеп, өз өтінішінің объективті қаралатынына сенуі керек. Қызметкерлерді тыңдап қана қоймай, Компания құзыретіне жататын мәселелер бойынша нақты шешімдерге қол жеткізу маңызды», – деп атап өтті Қанат Әлмағамбетов. 

«Қазақстан темір жолы» ҰК» АҚ баспасөз қызметі