Наурыз мейрамы қарсаңында Ұлттық тасымалдаушы қала маңындағы пойыздарда 2177 қосымша орын ұсынады

13-03-2026

Наурыз мейрамын қарсаңында «Жолаушылар тасымалы» АҚ қосымша электрпойыздарды іске қосып, бірқатар пойыздардың құрамын ұлғайтады.

 

Мереке күндері келесі қосымша қала маңындағы пойыздар қатынайды:

 • 2026 жылғы 20 және 21 наурыз – №7510 «Астана – Павлодар» электрпойызы;

 • 2026 жылғы 25 наурыз – №7509 «Павлодар – Астана» электрпойызы;

 • 2026 жылғы 25 наурыз – №6803/6804 «Астана – Атбасар» электрпойыздары;

 • 2026 жылғы 25 наурыз – №887/888 «Нұрлы жол – Бурабай курорты» электрпойызы.

 

Сонымен қатар, 2026 жылғы 20, 22 және 24 наурыз күндері №606/605 «Қарағанды – Балқаш» жолаушылар пойызының құрамына екі қосымша вагон (1 купе және 1 плацкарт) тіркеледі.

 

Нәтижесінде жолаушыларға қосымша 2177 орын ұсынылады. Бұл мереке күндері теміржол тасымалына деген жоғары сұранысты қамтамасыз етіп, жолаушылардың сапарын барынша жайлы ұйымдастыруға мүмкіндік береді.

 

Билеттерді bilet.railways.kz ресми сайтынан, сондай-ақ, «Жолаушылар тасымалы» АҚ билет кассаларынан комиссиясыз сатып алуға болады. Қосымша ақпаратта 1433 нөмірі арқылы беріледі.

«Қазақстан темір жолы» ҰК» АҚ баспасөз қызметі