Елордалық оқушыларға темір жолдағы қауіпсіздік ережелері еске салынды

22-09-2026

Теміржолшылар Астана қаласындағы №25 мектептің жоғары сынып оқушыларына қауіпсіздік бойынша профилактикалық сабақ өткізді.

Сабақ ҚТЖ бүкіл еліміз бойынша өткізіп келе жатқан «Қауіпсіз темір жол» республикалық акциясы, сондай-ақ «Заң мен тәртіп» тұжырымдамасы шеңберіндегі іс-шаралар және «Адал азамат» жалпыұлттық тәрбие бағдарламасы аясында өтті.

Мектеп темір жолдарының жанында орналасқан, сондықтан да кездесуде қауіптілігі жоғары аймақтағы мінез-құлық ережелеріне ерекше назар аударылды. Астана жол дистанциясының жол инженері Жанболат Сапарғалиев оқушыларға темір жолдың неге ойынға арналған орын емес екенін түсіндірді.

Оқушыларға негізгі ережелерді: жолдарды тек белгіленген жерлерде кесіп өтуді, бағдаршамның тыйым салу белгісі мен жабық шлагбаум кезінде жолға шықпауды, темір жолдың жанында ойнамауды және қозғалыстағы пойызға жақындамауды еске салды.

«Заң мен тәртіп» - қауіпсіздік негізі. Темір жолда абай болыңыздар  және өмірлеріңізге қауіп төндірмеңіз!» - деп атап өтті Жанболат Сапарғалиев.

№25 мектеп директорының тәрбие работе жөніндегі орынбасары Ержан Болатұлы мұндай кездесулер балалардың өз қауіпсіздігіне жауапкершілікпен қарауын қалыптастыруға және жазатайым оқиғалардың алдын алуға көмектесетінін атап өтті.

Теміржолшылар осындай қауіпсіздік сабақтарын бүкіл еліміз бойынша өткізуде.

«Қазақстан темір жолы» ҰК» АҚ баспасөз қызметі