Қазақстан мен Өзбекстан теміржолшылары тасымалдар мен порт инфрақұрылымын дамыту жайын талқылады

22-05-2025

«ҚТЖ» ҰК» АҚ Басқарма Төрағасы Талғат Алдыбергенов«Узбекистон темир йуллари» АҚ Басқарма Төрағасы Зуфар Нарзуллаевпен кездесу өткізді.

Кездесу барысында тараптар:

•    қазақстандық Ақтау және Құрық порттары бағытында тасымалдарды дамыту;
•    екі елдің теміржол инфрақұрылымын синхронды дамыту мәселелерін талқылады.

 Соңғы 10 жылда Қазақстан мен Өзбекстан арасындағы теміржол тасымалының көлемі 76% өсті:

•    2015 жылы 19 млн тоннадан;
•    2025 жылы 33 миллион тоннаға дейін.

Өзбекстанға/одан / арқылы транзиттік тасымалдау көлемі ұлғайды:

•    7 млн тоннадан;
•    18 млн тоннаға дейін.

2026 жылдың 4 айында елдер арасындағы тасымалдардың жалпы көлемі 13 млн тоннадан асты, 2025 жылдың сәйкес кезеңімен салыстырғанда 36% өсті.

Жүк ағынын одан әрі арттыру үшін инфрақұрылымды дамытуға ерекше назар аударылды.

ҚТЖ ағымдағы жылы «Дарбаза – Мақтаарал» стратегиялық жобасын іске асыруды аяқтауда. Тасымалдаудың өткізу қабілеті мен тиімділігін арттыру үшін инфрақұрылымдық жобаларды Өзбекстан тарапымен үндестіру қажеттігі атап өтілді.

ҚТЖ Каспийде порт инфрақұрылымын дамыту жөніндегі іс-шараларды іске асырады:

•    Құрық портында теңіз түбін тереңдету жұмыстары аяқталды;
•    Ақтау портындағы осындай жұмыстарды ағымдағы жылдың соңына дейін аяқтау жоспарлануда.

Сапар аясында Өзбекстанның іскер топтары өкілдерімен көліктік-логистикалық ынтымақтастықты кеңейту мәселелері бойынша кездесу өтті.

«Қазақстан темір жолы» ҰК» АҚ баспасөз қызметі