Алтынкөл – Жетіген учаскесін жаңғырту: өткізу қабілетінің өсуі және цифрлық басқару

17-04-2026

Алтынкөл – Жетіген желісін  жаңғырту жобасының кезекті кезеңі шеңберінде технологиялық «толаскез» аяқталды.

Жүргізілген жұмыстардың негізгі нәтижесі пойыздар қозғалысын цифрлық басқарудың заманауи жүйесін енгізу, сондай-ақ жол инфрақұрылымын кеңейту болды.

Иінтал – Тасқарасу учаскесінде ұзындығы 68,4 км болатын жаңа станциялық жолдар салу және қолданыстағыларын ұзарту есебінен магистральдық теміржол желісі объектілерін жаңғырту жүргізілді. Бұл учаскенің өткізу қабілетін тәулігіне 18-ден 33 жұп пойызға дейін арттыруға мүмкіндік береді.

Қалған учаскелерде жұмыстар жалғасуда.

«Қазақстан темір жолы» ҰК» АҚ баспасөз қызметі