ҚТЖ-ның Әскерилендірілген теміржол күзеті 2024 жылғы жұмысын қорытындылады

15-04-2025

Жүктер мен стратегиялық объектілердің тәртібі мен сақталуын күзетуде 87 атқыштар бөлімшесіне және елдің барлық аумағында жұмыс істейтін 28 жедел ден қою мобильдік топтарына тартылған "ӘТЖК" ЖШС-ның  алты мыңнан астам қызметкері тұр. 

ӘТЖК-ның негізгі міндеті жүктерді және теміржол инфрақұрылымының аса маңызды объектілерін қорғау болып табылады. Күн сайын күзет қызметкерлерінің бақылауында 45 мыңға жуық вагон, оның ішінде қауіпті және аса құнды жүктері бар вагондар бар. 2024 жылы ӘТЖК қызметкерлері Қытайдан Еуропаға, Ресейге, Азияға және басқа да аймақтарға жөнелтілген 525 мыңнан астам контейнерді қауіпсіз алып жүруді қамтамасыз етті.

Бөлімшелердің жауапкершілік аймағында инфрақұрылымның стратегиялық объектілері: көпірлер, туннельдер, теңіз порттары және диспетчерлік орталықтар да кіреді. 
2024 жылы күзет күштері жүзден астам жүк пен теміржол инфрақұрылымының элементтерін ұрлауға жол бермеді. 

Қызметтің тиімділігін арттыру үшін қорғаудың үздіксіздігін қамтамасыз етуге ерекше назар аударылады. Үшінші тарап компанияларына қызмет көрсету бойынша заңнамалық шектеулерге байланысты темір жол инфрақұрылымының жекелеген учаскелеріне ӘТЖК-ның қорғауды қамтамасыз етуге құқығы жоқ. Бұл міндетті шешу үшін осы кемшіліктерді жоюға және тасымалдаудың әр кезеңінде жүкті бақылауды қамтамасыз етуге бағытталған заңнамалық өзгерістерге бастама көтерілді. Сонымен қатар, теміржолда жымқыру мен ұрлық жасағаны үшін жауапкершілікті күшейту, сондай-ақ ӘТЖК базасында қауіпсіздік институтын қалыптастыру үшін ұлттық күзет мәртебесін айқындау бөлігінде заңнаманы қатаңдату мәселесі пысықталуда. 

Қызметкерлердің жайлылығын арттыру үшін форманың модельдік қатары жаңартылды: заңнамаға өзгерістер енгізілді, бұл беріктік пен жайлылық сипаттамалары жақсартылған жаңа буын формасын жасауға мүмкіндік берді. 

Пилоттық режимде жедел әрекет ету мобильді топтары күшейтілді. Алматы, Қарағанды және Семей қалаларындағы филиалдар базасында өңіраралық жедел әрекет ету мобильдік топтары жұмыс істейді. Осы бөлімшелердің күзет қызметкерлері криминогендік учаскелерде жұмыс істеу үшін дене шынықтыру және тактикалық даярлықтың жоғары деңгейіне сәйкестігін қатаң бақылаудан өтеді. 

Сонымен қатар, мобильді топтардың автопаркі толықтырылды: жол талғамайтын автомобильдер іске қосылды, бұл жедел әрекет етудің тиімділігін арттырды.

 ӘТЖК-де қызметкерлерді ынталандырудың жаңа жүйесі бар: сыйлықақылар, еңбек сіңірген жылдары бойынша төлемдер, сондай-ақ медициналық сақтандыру қарастырылған. Сондай-ақ, басқа да күш құрылымдарымен: көліктегі полиция департаментімен м өзара іс-қимыл нығайтылып меморандум жасалды, бұл криминогендік аймақтардың тәулік бойы мониторингіне көшуге және теміржол көлігі объектілеріндегі қауіпсіздіктің жалпы деңгейін арттыруға мүмкіндік берді. 

100 жылдық тарихына қарамастан, ӘТЖК уақыт көшінен қалмай келеді. Мысалы, технологиялық процестерде айтарлықтай өзгерістер бар. Атап айтқанда, "Қорғау" жүйесі енгізілуде, ол тасымалдаудың бүкіл процесін туу кезеңінен бастап оның аяқталуына дейін цифрландыруға, күнделікті міндеттерді оңтайландыруға, күзеттің ашықтығын арттыруға және бюрократияны болдырмауға мүмкіндік береді. 

Бүгінде ӘТЖК қорғауға ғана емес, клиенттік сервисті дамытуға да ұмтылуда. Бірыңғай қызмет көрсету орталығы аясында жылжымалы құрамға қорғаныс құралдарын орнату бойынша қызметтерді енгізу жұмыстары жүргізілуде.
Жүк жөнелтушілер навигациялық пломбаларды, трекингтік жүйелерді орнатуға және күзетті күшейтуге сұраныс жасайды, бұл тасымалдардың қорғалу деңгейіне оң әсер етеді. Биыл ӘТЖК жүктер мен инфрақұрылымды бақылауды нығайту жөніндегі шараларды іске асыруды жалғастырады. Фото және бейнетіркеуді қолдана отырып, вагондарды қарау және қабылдау, техникалық жарақтандыру деңгейін арттыру, негізгі учаскелерде бақылау және жарықтандыру жүйелерін орнату басты назарда қалып отыр. 
 

«Қазақстан темір жолы» ҰК» АҚ баспасөз қызметі