Теміржолшылар Наурыз мейрамын атап өтті

21-03-2025

Наурыз мейрамын тойлауға  орай елордалық вокзал кешені аумағында теміржолшылардың этноауылы ашылды. Келген қонақтар мерекелік атмосфераға еніп, ұлттық тағамдардан дәм тата алды.

Биылғы мейрамды атап өту Қазақстан халқы Ассамблеясының 30 жылдығына арналды. Мереке түрлі түркі халықтарының мәдениетін біріктірді: киіз үйлерде Әзербайжан, Татарстан, Түркия, Түрікменстан және Өзбекстан дәстүрлері ұсынылды. Қонақтарға наурыз көже, бауырсақ пен палау ұсынылды, ал жарқын концерттік бағдарлама дайындаған ҚТЖ дарынды қызметкерлері мерекелік көңіл-күй сыйлады.

«Қазақстан темір жолы» ҰК» АҚ баспасөз қызметі