Fitch ҚТЖ кредиттік рейтингін тұрақты қаржылық бейіні және тұрақты болжамы бар «BBB-» деңгейінде растады

15-12-2025

Fitch Ratings халықаралық рейтингтік агенттігі ҚТЖ кредиттік рейтингтерін «BBB –» деңгейінде растады, болжам – «Тұрақты». Fitch сарапшылары ҚТЖ рейтингі оның ел көлік жүйесіндегі маңызды рөлін, сондай-ақ қаржылық көрсеткіштердің тұрақтылығын көрсететінін атап өтті. 

Тұрақты болжам орта мерзімді перспективада күтілетін «ҚТЖ» ҰК» АҚ сенімді қаржылық бейінінің сақталуын растайды. Fitch қарыз жүктемесінің одан әрі төмендеуі, EBITDA көрсеткішінің өсуі, сондай-ақ қамту коэффициенттерінің жақсаруы Компанияның тәуелсіз несиелік профиліне оң әсер етуі мүмкін екенін көрсетеді. 

Агенттік сонымен қатар өзінің әдіснамасына сәйкес Компанияның ESG факторларын бағалауды ұсынды және Агенттіктің рейтингтік бағалауы шеңберінде компанияның экологиялық, әлеуметтік және басқару факторларының маңыздылығын атап өтті. 

Fitch бағалауы Агенттіктің қолданылатын халықаралық критерийлеріне сәйкес ұсынылған операциялық нәтижелер мен деректерді талдауға негізделген.

«Қазақстан темір жолы» ҰК» АҚ баспасөз қызметі