Қазақстан мен Өзбекстан теміржолшылары транзитті ұлғайту мәселелерін талқылады

28-03-2025

"Қазақстан темір жолы" ҰК" АҚ және «Узбекистон темир йуллари» АҚ басшылары Алматыда жұмыс кездесуін өткізді. Көлік және логистика саласындағы ынтымақтастықты одан әрі дамыту мәселелері талқыланды. Сондай-ақ, тараптар өткен жылдағы бірлескен жұмысты қорытындылап, 2025 жылға арналған жоспарларын белгілеп алды.

"ҚТЖ" ҰК" АҚ Сара Ағаш түйіспесінің өткізу қабілетін 50% дейін ұлғайту есебінен жүк жөнелтушілер барлық жоспарларының толық орындалуы қамтамасыз етілді. 

Сондай-ақ, «Узбекистон темир йуллари»  АҚ қазақстандық астықтың Ауғанстанға транзитіне (Оазис торабы арқылы Галаба станциясына) тарифтің 40% төмендегенін хабарлады.

Сонымен қатар, тараптар Трансауған дәлізін дамыту бойынша бірлескен жұмысты күшейтуге келісті.

«Қазақстан темір жолы» ҰК» АҚ баспасөз қызметі