Қызылордалықтарға темір жолдағы қауіпсіздік ережелері еске салынды

06-06-2024

Теміржолшылар мен көлік полицейлері Қызылорда станциясы темір  жолдарының рұқсатсыз өту учаскелерінде профилактикалық рейд жүргізді, онда ағымдағы жылы азаматтардың жарақат алуының 2 жағдайы орын алды еді. 

Бір жыл бұрын тұрғындар қауіпсіздігі үшін станцияда жаяу жүргіншілер көпірі салынды, алайда қызылордалықтар одан өтпей, өмірлері мен денсаулықтарына қауіп төндіретін темір жолды таңдауда. Жаяу жүргіншілерді темір жолдардың екі жағында қауіп туралы ескерту белгілері бар металл сымдар орнатылғаны да тоқтатар емес. Жаяу жүргіншілер көпірі екі шағын ауданды - Құлагер мен КБИДІ байланыстырады. 
 
"Мұнда қауіпсіз жаяу жүргіншілер өткелі бар, бірақ көбісі оны пайдаланбайды. Тұрғындар "халық соқпағы" бойынша жүруге дағдыланған және бұл олардың өміріне үлкен қауіп төндіреді. Адамдар уақытты үнемдегісі келеді. Бірақ бұл өткелдер адамның өміріне қауіп төндіреді. Адамдар капюшонмен, құлаққаппен жүреді және келе жатқан пойызды байқай алмайды. Біздің міндетіміз - адамдарды қауіп туралы ескерту және рұқсат етілмеген өткелдердің алдын алу", - деп атап өтті Қызылорда жүк тасымалдау бөлімшесі директорының бірінші орынбасары Бекжан Өтеулиев.

Рейд барысында бұл үшін белгіленбеген жерде теміржол жолдарын кесіп өткен бұзушылар тоқтатылды, теміржол көлігі объектілерінде жүріс-тұрыс ережелері бар ақпараттық жадынамалар табысталды, сондай-ақ әкімшілік жауапкершілікті қаперлеріне салды. 

"Белгіленбеген жерлерден өту теміржолдағы жарақат пен адам өлімінің басты себебі болып табылады. Жаз - бұл демалыс уақыты ғана емес, сонымен қатар көптеген балалар өздерімен өздері қалатын және ересектердің қарауынсыз көп уақыт өткізетін кезең. Балалар өтіп бара жатқан пойыздарға тас лақтырады, жолдарда бөгде заттарды қалдырады, бұл қозғалыс қауіпсіздігіне қауіп төндіретінін түсінбейді. Біз әрбір ата - ананы өз баласына қамқорлық жасауға және оның іс-әрекетіне көз жұмбауға шақырамыз", - деді полиция майоры Айғали Бақытов.

Мұндай рейдтерді ҚТЖ, көлік полициясы және әскерилендірілген теміржол күзетінің қызметкерлері ай сайын өткізеді. Биыл 135 рейдтік тексеру ұйымдастырылды. Темір жолдарының маңында тұратын елді мекендер тұрғындары үшін темір жолдарында болу қаупі мен ережелері туралы 89 түсіндірме әңгіме өткізілді. Темір жолдағы қауіпсіздік ережелері мектептердегі 93 кездесуде түсіндірілді. Станцияда жаңылыстыратын белгілер жаңартылды. 
 

«Қазақстан темір жолы» ҰК» АҚ баспасөз қызметі