ҚТЖ-да тасымалданатын жүктердің сақталуы бойынша  бірлескен кеңес өткізілді 

04.03.2024

ҚТЖ кеңейтілген селекторлық кеңесінде 2023 жылы тасымалданатын жүктердің сақталуын қамтамасыз ету жөніндегі жұмыстың қорытындысы шығарылды. Кеңеске Бас көлік прокуратурасының, көліктегі полиция департаментінің, Әскерилендірілген теміржол күзетінің өкілдері, еншілес кәсіпорындар мен жол бөлімшелерінің және магистральдық желі басшылары қатысты.  

Кездесуде теміржол көлігі объектілерінде тасымалданатын жүктердің, вагон паркінің және тауарлық-материалдық құндылықтардың сақталуын қамтамасыз етуге бағытталған бірлескен іс-шаралардың кешенді жоспары қаралды.           

2023 жылы тасымалданатын жүктерге рұқсатсыз кірудің алдын алу  мен сақталуы үшін ҚТЖ – да көмір тиеуді, Достық пен Алтынкөл шекаралық өткелдерінде қайта тиеуді және ҚХР – Еуропа - ҚХР халықаралық қатынасында тасымалданатын контейнерлерде жүктердің сақталуын сапалы тексеру бойынша айлықтар өткізілді. 

Станцияларда вагондарды мұқият тексеру жүргізіледі. Қайта тиеу терминалдары, станция аумақтары бейнебақылау камераларымен жабдықталған.  Жүктерді қорғауда электрондық техникалық құралдар (бекіту-пломбалау құрылғылары) қолданылады. 

Контейнерлік пойыздарды күзетпен сүйемелдеу жай-күйінің мониторингін " ӘТЖК "АҚ "Vinterm" ПКСАЖ автоматтандырылған ақпараттық жүйесі арқылы жүргізеді. Достық, Бескөл, Луговая станцияларында мобильді жедел әрекет ету тобының қосымша бөлімшелері жұмыс істейді. Теміржолшылар құқық қорғау органдарына заңсыз фактілердің алдын алу және анықтау бойынша жәрдем көрсетеді. 

Кеңеске қатысушылар теміржол көлігі объектілерінде ұрлық жасағаны үшін жауапкершілікті заңнамалық деңгейде қатаңдатуды ұсынды. 

Селекторлық кеңес қорытындысы бойынша тасымалданатын жүктерді, оның ішінде халықаралық қатынаста алып жүруді және күзетуді күшейту, сондай-ақ станция бастықтары мен бөлімше басшыларының жүктің сақталмағаны үшін дербес жауапкершілігін арттыру ұсынылды.   

«Қазақстан темір жолы» ҰК» АҚ баспасөз қызметі