Теміржолшылар "Таза Қазақстан" акциясы аясында мың ағаш отырғызды

12-10-2024

"Таза Қазақстан" республикалық акциясы аясында бүгін ҚТЖ-ның барлық құрылымдық бөлімшелері мен филиалдарында ауқымды экологиялық акция өтті. Бүкіл ел бойынша теміржолшылар мыңдаған жасыл желек: қайың, қарағай, тал және басқа да көшеттер отырғызды.  Акцияға 600 астам адам қатысты. 

Сондай-ақ, теміржолшылар депо аумақтарын, станциялар мен вокзалдарды тазалаумен, ағаштар мен бардюрларды ақтаумен айналысты.   

"Біз мұндай акцияларға үнемі қатысып келеміз. Депо аумағында біздің көз алдымызда өскен ағаштар бар. Біз ортақ күш-жігерімізбен қаламызды әдемі әрі таза етеміз", - деді елордалық вагон пайдалану депосы бастығының орынбасары Бегім Бақтыбаев.  
Биылғы жылы теміржолшылар барлығы 2454 ағаш отырғызды. 

«Қазақстан темір жолы» ҰК» АҚ баспасөз қызметі