Су тасқыны: теміржолдағы жоғары дайындық режимі

26-03-2024

ҚТЖ желісінде штаттан тыс жағдайларға дереу ден қою үшін шайып кетуге қарсы 45 пойыз толық дайындықта тұр. Вагондар барлық қажетті құралдармен және материалдармен жабдықталған. 2650 текше метр кесек тастар, 8 мыңнан астам кондициондық  емес шпалдар дайындалды.

Теміржолшылар алдын ала тасқын суды болдырмас үшін ағызып жіберу дайындықтарын жүргізді. Көпірлер, су өткізгіш құбырлар, дренаждық құдықтар қардан, мұздан және қоқыстан тазартылып, таулы және су бұрғыш жыралар, науалар мен кюветтер аршылды. Уба, Тентек, Селеті және т.б. өзендерде мұзды ұсақтау бойынша бұрғылау-жару жұмыстары жүргізіліп, аумақтық ұйымдармен бірлесіп 83 бөгет пен су қоймалары тексерілді.

Сонымен қатар Ақтөбе облысында теміржол магистралінен 16 км төмен орналасқан Жем теміржол станциясына іргелес жатқан  жеке меншігіндегі кіреберіс жол қарғын сумен шайылды.

Жем станциясының өзінде судың жиналуы байқалмайды, су бұру құрылыстары штаттық режимде жұмыс істеп тұр.

Теміржолшылар станциялар мен аралықтарда, сондай-ақ өзендер мен су қоймаларына жақын орналасқан жол учаскелерінде су тасқыны жағдайына тұрақты мониторинг жүргізуде.
 
 

«Қазақстан темір жолы» ҰК» АҚ баспасөз қызметі