Машинистер малдың шығуы мен өткелдердегі ЖКО салдарынан шұғыл тежеуді  шамамен 3 мың рет қолданды

25-11-2024

2024 жылдың он айында пойыз машинистері малдың, адамдардың жолға шығуына және автомобильдердің өтпелерге шығуына байланысты шұғыл тежеуді шамамен 3 мың рет қолдануға мәжбүр болды. Бұл оқиғалар жолаушылар мен жүк пойыздарының қозғалысының кешігуіне әкелді.

Жолда қараусыз қалған жануарлардың ең көп шығуы Қарағанды, Алматы, Семей және Жамбыл жүк тасымалдау бөлімшелерінің шегінде болды. Қараусыз қалған мал пойыздар қозғалысына ғана емес, адамдардың қауіпсіздігіне де қауіп төндіреді. 

Теміржол өткелдерінде 20 ЖКО тіркелсе, автомобиль жүргізушілері кінәлі деп танылды. Бұл теміржолшыларды ерекше алаңдатады. Ең үлкен тәуекел Ақмола және Қостанай бөлімшелері шекараларында орналасқан өткелдермен байланысты.

 ҚТЖ темір жолы қауіптілігі жоғары аймақ екенін еске салады.

Мұндай оқиғаларды азайту үшін теміржолшылар қауіпсіздік ережелерін сақтаудың маңыздылығын, жолда мал шығаруға жол бермеуді және теміржолда жүріс-тұрыс ережелерін сақтау қажеттілігін түсіндіре отырып, жергілікті тұрғындармен үнемі профилактикалық әңгімелер өткізеді. 
 

«Қазақстан темір жолы» ҰК» АҚ баспасөз қызметі