KTZ Express-тің ҚХР-дың  Shandong Hi-Speed Logistics Group CO. Ltd. ірі компаниясымен ынтымақтастығы туралы келіссөздер өтті

22-04-2024

Астанада “KTZ Express” АҚ басшылығы мен қытайлық Shandong Hi-Speed Logistics Group Co. Ltd. компаниясының арасында жұмыс кездесуі өтті. 

Shandong Hi-Speed Logistics Group Co., Ltd. Шандун провинциясының логистикалық индустриясының флагманы болып табылады және Қытайдағы жетекші логистикалық компания болып саналады.

Кездесуде тараптар Қазақстан, Жапония мен Оңтүстік-Шығыс Азия елдерінен Орталық Азия мен Еуропа бағытында Циндао порты арқылы бірлескен көлік сервисін ұйымдастыру мәселелеріне ерекше назар аудара отырып, ынтымақтастықтың перспективалық бағыттарын талқылады.

KTZ Express көліктік-логистикалық сервисті ұсыну шарттары мен мүмкіндіктерін, сондай-ақ ТХКБ-ны дамыту бойынша жүргізілген жұмыстарды таныстырды.
Кездесу қорытындысы бойынша тараптар жақын арада ынтымақтастық туралы тиісті құжаттарға қол қою туралы уағдаласты.

«Қазақстан темір жолы» ҰК» АҚ баспасөз қызметі