26-07-2024

KTZ Express (ҚТЖ еншілес компаниясы) және China Railway Container Transport Co. Ltd. (ҚХР) Иран – Қытай көлік бағытын жаңартады.

2024 жылғы 21 шілдеде Априн (Иран) теміржол станциясында Иран, Қытай, Қазақстан және Түркіменстан өкілдерінің қатысуымен Иран – Қытай контейнерлік пойызының жөнелтілуінің салтанатты рәсімі өтті.

Гипс ұнтағы бар 50 қырық футтық контейнері бар құрам жалпы ұзақтығы 12 күн болатын Иран – Қазақстан – Қытай бағыты бойынша жолға шықты.

Бұл оқиға көлік дәлізін қалпына келтірудегі маңызды қадам болды, сондай - ақ маршрутқа қатысушы елдер арасындағы халықаралық сауда байланыстарын нығайтады.

«Қазақстан темір жолы» ҰК» АҚ баспасөз қызметі