Маңғыстау теміржол вокзалында жолаушылар мен келушілерге сервистік қызмет көрсету үшін келесі қызмет көрсету аймақтары қарастырылған.
Билет кассалары. Теміржол вокзалының 1-қабатында орналасқан 3 билет кассасы бар.
Анықтама. 1-қабатта 1 анықтама бюросы бар. Анықтамалық-ақпараттық қызметтер анықтамалық бюро арқылы жолаушылардың өзі тікелей жүгінген кезде ұсынылады. Жолаушыларды жолаушылар поездарының келуі, жөнелтілуі және кідіруі туралы, теміржол көлігінде жол жүру ережелері туралы, вокзалдағы жолаушылардың жүріс-тұрыс ережелері және ұсынылатын сервистік қызметтердің тізбесі туралы хабарлайтын дауыс зорайтқыш байланыс бойынша дыбыстық құлақтандыру қарастырылған.
Күту залдары. Вокзалда 1-қабатта 1 күту залы бар. Күту залында 84 отыратын орын, сондай-ақ 1-ші қабатта 16 отыратын орны бар 1 кассалық күту залы бар.
Маңғыстау теміржол вокзалында мүмкіндіктері шектеулі адамдарға және халықтың қауқары аз топтарына қызмет көрсету үшін мынадай жағдайлар көзделген:
мүмкіндігі шектеулі жандарға арналған бөлме 1-қабатта орналасқан, мүгедектер арбасы, мүгедектерге арналған арнайы дәретхана бөлмесі бар;
күту залдарында арбамен жүретін мүгедектерге арналған орындар қарастырылған;
мүмкіндігі шектеулі адамдарға арналған мүгедектер арбасы тегін негізде ұсынылады;
анықтама бюросында нашар еститін жолаушыларға арналған арнайы индукциялық панель орнатылған;
зағип жандарға зерттелетін кеңістік туралы алдын-ала ақпарат алуға мүмкіндік беретін тактильді мнемосхема;
тактильді жол;
вокзал ғимаратына кіру кезінде жәрдем көрсету үшін вокзал қызметкерлерін шақыру үшін шақыру түймесі бар;
пиктограммалар;
жету қиын жерлерде пандустар салынған (қала мен перрон жағынан, вокзал ғимаратының ішінде);
билет кассасы мүмкіндігі шектеулі тұлғалар үшін қайта жабдықталды.
Сонымен қатар, вокзалда медициналық пункт пен дәріхана бар.
Ана мен бала қысқа мерзімге болатын бөлме (вокзалдың 2-қабатында барлығы 1 бөлме бар).
Сауда бутиктері мен тамақтану орындары:
1-қабатта банкоматтар, төлем терминалдары, кофе-терминал, лотерея терминалдары орналасқан.
Вокзал ғимараты мен аумағын күзетуді қамтамасыз ету жөніндегі шараларды күшейту, сондай-ақ террористік актілерді болдырмау және жолаушылардың қауіпсіздігін қамтамасыз ету үшін Маңғыстау вокзалында күзет бөлімшесінің қызметкерлері мен желілік ішкі істер бөлімі (ЖІІБ) қызметкерлері тәулік бойы кезекшілік етеді.
Сондай-ақ қауіпсіздікті қамтамасыз ету үшін мыналар қарастырылған:
автоматты өрт қауіпсіздігі жүйесі;
ЖІІБ қызметкерлерін басқару пультіне экран шығару арқылы вокзал ғимаратын бейнебақылау жүйесі,
2 (екі) тексеру жабдығының жиынтығы орнатылды, оның ішінде 1 (біреуі) қала жағынан және 1 (біреуі) перрон жағынан.