Слайд



Жолаушылар Жүк жөнелтушілер

Онлайн билет сатып алу

Тізімінен станцияны таңдаңыз, содан кейін станцияның атын теруді бастаңыз

Пресс-релизы

Өзен-Болашақ теліміндегі оқиғаға қатысты ақпарат

25 қарашада 14 сағат 20 минутта Маңғыстау жол бөлімшесінің Өзен-Болашақ теліміндегі жол өткелінде тепловоз «Газел» автокөлігімен соқтығысып қалды. Жол өткеліндегі белгі беру құрылғысы қалыпты жұмыс істеп тұрған. Сағатына 60 шақырым жылдамдықпен келе жатқан тепловоз машинисі жолда тұрып қалған автомобилді көреді. Алайда шұғыл тежегішті басқанымен апаттың алдын алу мүмкін болмады. «ҚТЖ» ҰК» АҚ арнайы комиссиясы оқиға салдарын тексеруге кірісті.

«ҚТЖ – Жүк тасымалы» АҚ баспасөз қызметі






Ташкентте ҚР мен ӨР теміржол әкімшіліктерінің басшылары тасымалдау тиімділігін көтеруге уағдаласты

24 қарашада Ташкентте «Қазақстан темір жолы» ҰК» АҚ басшысы Қанат Алпысбаев пен «Узбекистон темир йоллари» АҚ басқарма төрағасының орынбасары Акбар Шүкіревпен кездесіп, көлік және логистика саласындағы серіктестікті әрі қарай дамыту мәселесі бойынша келіссөз жүргізді. 

Кездесу барысында тараптар тасымалдау үдерісінің тиімділігін көтеру, жылжымалы құрамды пайдалану, айналымын жеделдету,  вагондардың мемлекетаралық түйісу нүктелерінде бос тұрып қалуын болдырмау мәселелерін талқылады.






Теміржолшылар әріптестерін іспен қолдады

Биылғы жылы олардың екеуі де тағдырдың жазуымен үйсіз қалды. Айжан Таңованың үйі өртеніп кетсе, Ізбасар Августовтың үйін су басып қалды.

Жергілікті кәсіподақ ұйымының белсендісі Сара Бижанованың айтуынша, «ұжымда әріптестеріне көмек қолын барлығы да созды. Одан тыс қалған адам жоқ. Әрқайсысы мүмкіндігінше көмектесті».






Пекинге қазақстандық астықты жеткізу мерзімі төрт есеге қысқарды

Ақмола темір жолының Атбасар станциясынан астық тиеген пойыз Пекинге тікелей жол тартты.

«ҚТЖ» ҰК» АҚ-ның 53 жабық вагонынан тұратын салмағы 4,5 мың тонналық жылжымалы құрам белгілі бекетке дейін жолаушылар тасымалы секілді сұрыптау стансаларына соқпай, арнайы бекітілген кестемен жүреді.

«Пойыз жолда бір жарым тәулік жүреді. 36 сағаттан соң Достық станциясына тоқтайды. Пойыз басқа жүк пойыздарына қарағанда төрт есе жылдамдықпен тәулігіне 800 шақырымды алады»,- дейді Атбасар станциясының бастығы Серік Қайниденов.






«ҚТЖ» ҰК» АҚ –да электронды сандық кітапхана іске қосылады

«ҚТЖ» ҰК» АҚ-да Ғылыми-техникалық басқарудың автоматтық жүйесі (ҒМТ БАЖ) платформасында «Электронды сандық кітапхана» жобасы жүзеге асырылмақ.

«ҚТЖ» ҰК» АҚ Ғылыми-техникалық ақпарат және сараптау орталығының директоры Наталия Смольянованың айтуынша, «сандық технологиялы кітапхана жобасын жүзеге асыру  iOS и Android операциялық жүйесіне мобильдік қосымша енгізу арқылы техникалық ақпараттарға Компания қызметкерлері әлемнің кез-келген түкпірінде жүріп, қол жеткізе алады».






«ҚТЖ» ҰК» АҚ да спорттың бес түрінен дәстүрлі Спартакиада өткізілуде

Жыл сайын Тәуелсіздік күні қарсаңында Ұлттық компанияның филиалдары мен еншілес кәсіпорындары спортшыларының қатысуымен дәстүрлі Спартакиада жалғасын табуда.

Персонал жөніндегі вице-президент Н. Жапарқұлдың айтуынша, салауатты өмір салтын қолдау, спорттық шараларды өткізу Ұлттық компанияның корпоративтік саясатының маңызды бөлігі саналады.






«Semurg Invest»ЖШС объектісінде орын алған оқиға жайында ақпарат

Ағымдағы жылдың 20 қарашасында «Саржа» көпфункционалды теңіз терминалының автотұрағында құрылыс-монтаж жұмыстары кезінде «ВзрывБурСервис» ЖШС бұрғылау-жару жұмыстарын орындады. Бұл құрылыстың тапсырушысы  «Semurg Invest» ЖШС болып табылады.

Бұрғылау-жару жұмыстары барысында 1969 жылы туылған қызметкер қаза тапты. 

«Саржа» көпфункционалды теңіз терминалының аймағында салынып жатқан объектілер «ҚТЖ» ҰК» АҚ-ға жатпайды.






Астықты тоқтаусыз тасымалдау – «ҚТЖ»- Жүк тасымалы» АҚ бақылауында

«ҚТЖ –Жүк тасымалы»  АҚ астық пен ұн тасымалдау мәселесіне арналған селекторлық кеңес өткізді.

Кеңеске «Атамекен» ҚР ҰКП, трейдерлік, экспедиторлық компаниялардың өкілдері қатысты.  Кеңеске қатысушылар алдында сөз сөйлеген «ҚТЖ-Жүк тасымалы» АҚ басшысы Оралхан Кулаков жаңа астықты тасымалдау үдерісіне қатысушылардың өзара тығыз қарым-қатынас орнатуы керек екендігіне назар аударды.






Жамбылдық теміржолшы жүзге толды

Жамбыл вагон депосында 40-жылдан астам уақыт еңбек еткен сала ардагері Темирян Шаңғараев жүзге толды.    Ұлы Отан соғысы мен теміржол ардагерін Жамбыл теміржол бөлімшесінің басшылығы ұжым атынан құттықтап, ыстық лебіздерін білдірді.






Ағымдағы маусымда 630 шақырымнан астам теміржол жаңғыртылды

«ҚТЖ» ҰК» АҚ филиалы – Магистральдық желі дирекциясы жазғы маусымда республикалық маңызы бар 630 шақырымнан астам теміржол желісін ағымдағы және күрделі жөндеуден өткізді.

 Оның ішінде күрделі жөндеу жасалған 317,5 шақырымға рельс торкөздері төселді. Орташа жөндеу жұмыстары 77 шақырымға жүргізілсе, 237 шақырымдағы жолдарда рельстері түгелдей жаңартылды.






Syndicate content

«ҚТЖ» ҰК» АҚ трансформациясы
«ҚТЖ» ҰК» АҚ трансформациясы
«ҚТЖ» ҰК» АҚ приватизациясы
«ҚТЖ» ҰК» АҚ приватизациясы
© АО «НК «Қазақстан темір жолы»
Политика информационной безопасности
Ваш отзыв очень важен для нас
Оценка дизайна web-сайта