Слайд



Жолаушылар Жүк жөнелтушілер

Онлайн билет сатып алу

Тізімінен станцияны таңдаңыз, содан кейін станцияның атын теруді бастаңыз

Пресс-релизы

Теміржолшылардың спорттық жеңістері

Елордасында Республика теміржолшылары кәсіподағының Астана филиалы Тәуелсіз Қазақстанның 20 жылдығына арналған кубогі үшін спартакиада аяқталды.

Оған 18 команда құрамында 250 спортшы мини-футбол, боулинг, бильярдтан бақ сынасты. Ұлттық компанияның еншілес кәсіпорындары арасында мини футболдан жүлделі орындарды «ҚТЖ» ҰК» АҚ филиалы – «Бас есептеу орталығы» мен «Астана белгі беру және байланыс дистанциясы бөлісті.

Боулингкке 18 команда қатысты. Жалпы командалық есеп бойынша бірінші орынды «Ресурстық қамту дирекциясы» иемденсе, «Астана белгі беру және байланыс дистанциясы» екінші орынды, «Қазтранссервис» АҚ үшінші орынға табан тіреді.

Бильярдтан турнир бойынша «Бас есептеу орталығы» командасындағы Оразбек Жылыбаев пен Жанерке Әбенова бас жүлдені иемденді. Екінші орынды «Жолаушылар тасымалы» АҚ – «Солтүстік» аймақтық филиалының командасынан –Оразбай Тойшыбеков пен Самат Айтмағамбет алды.

Теміржолшылар кәсіподағы –Астана филиалының Спартакиада кубогін Астана белгі беру және байланыс дистанциясы жеңіп алды.

Жарысты қорытындылаған «ҚТЖ» ҰК» АҚ кәсіподағы Орталық Кеңесінің төрағасы Оразғали Ахметбаевтың айтуынша, мұндай спорттық шаралар еңбек ұжымдарын одан сайын ынтымақтастыра түседі. «Қазақстан темір жолы» ҰК» АҚ еңбеккерлері арасында салауатты өмір салтын насихаттау- компанияның әлеуметтік саясатының бір парасы болып табылады.

«Қазақстан темір жолы» ҰК» АҚ Баспасөз қызметі






Теміржол сайлауға дайын

«ҚТЖ» ҰК» АҚ Персоналды басқару және әлеуметтік мәселелер жөніндегі вице-президенті Асхат Акчуриннің басқаруымен ұлттық компанияның құрылымдық бөлімшелері және еншілес компанияларының жетекшілерімен селекторлық кеңес өткізілді.

Кеңестің басты тақырыбы - «ҚТЖ» ҰК» АҚ еңбеккерлерінің алдағы президенттік сайлауға ұйымшылдықпен қатысуы және сол мерзімде теміржол көлігі нысандарында қауіпсіздік шараларын күшейту.

Қазақстан теміржолшыларының кәсіподағы қазіргі қызмет етіп отырған Мемлекет Басшысы Нұрсұлтан Назарбаевтың кандидатурасын президенттікке ұсыну жөнінде шешім қабылдаған болатын. Себебі – теміржолшылар Нұрсұлтан Назарбаевты Қазақстанның дамуындағы негізгі шешуші тұлға деп танып оған бәсекелес ретінде сайма-сай келетін адам жоқ деп таниды.

«Президенттің саяси, экономикалық және әлеуметтік шешімдерінің нәтижесінде, еліміздің теміржолшылары еңбекшілерді қысқартуға ұшыратқан жоқ. Оған қоса, Қазақстан тарихында «Эволюшн» соңғы буынды теполовозды жасауды қолға алды. Басқа да зауыттар салынып жатыр. Жылма-жыл компанияның экономикалық көрсеткіштері өсіп келеді»,- деп атап өтті компанияның вице-президенті Асхат Акчурин.

Асхат Акчурин сөзін жалғастыра отырып, сәуірдің 3-інде өткізілетін президенттік сайлауға облыстардағы филиалдардың дайындық барысы туралы сала жетекшілерінің есебін тыңдап, жергілікті жерде теміржол қозғалыс қаупсіздігін қатаң сақтап, онда тәулік бойы кезекшілік етілуі қажеттігін назарға алды.

Сала басшыларының баяндауынша, аймақтардағы теміржол саласы нысандарында, вокзалдарда, жылжымалы құрамдарда қаупсіздікті қамтамасыз ету туралы алдын ала ұйымдастыру шаралары жүргізіліп, негізгі нұсқамалықтар бойынша кеңестер өткізілген.

Селекторлық кеңесті қорытындылай келе, компанияның вице-президенті Асхат Акчурин сайлау кезінде теміржолшылардың белсенділік көрсетіп, азаматтық борыштарын адал орындауы тиістігін, теміржолшылардың қашанда демократияны, еліміздің тұрақтылығы мен экономикалық жетістігіне таңдау жасайтындығына сенім білдірді.

«Қазақстан темір жолы» ҰК» АҚ Баспасөз қызметі 






Жер шалғайлығын көңіл жақындастырады

Белорус темір жолының делегациясы Астанада қазақстан-белорус теміржолшыларының, ірі жүк тасымалдаушылардың, Белорус магистралын пайдаланушы компания өкілдерінің қатысуымен дөңгелек үстел отырысын өткізді. Онда екі жақты қарым-қатынасты одан әрі жалғастыратын бірқатар салааралық құжаттарға қол қойылды.

«ҚТЖ» ҰК» АҚ президенті Асқар Мамин мен «БТЖ» мемлекеттік бірлестігінің бастығы Анатолий Сивак Қазақстан темір жолы мен Белорус темір жолы арасындағы әріптестік қарым қатынасты дамытудың 2011-2015 жылдарға арналған салалық бірлескен шаралары Жоспары мен екі жақты келісім Хаттамасына қол қойды. Ол құжатта екі ел теміржолшылары қол жеткізген тасымалдау көлемін арттыру, транзиттік тасымалға қолайлы ахуал орнату, жылжымалы құрам паркін жаңғырту туралы жайлар көрсетілген.

Дөңгелек үстел отырысы барысында оған қатысушы ірі жүк тасымалдаушылар «Қазмұнайгаз», «Қазфосфат», «Теңізшевройл», «Ақтөбемұнайгаз» қазақтан-белорус теміржол салаларының жүк тасымалдаушыларға жасап отырған қолайлы жайларына назар аударды. Оның ішінде неғүрлым қысқа жолды таңдау, бірыңғай кедендік және экономикалық кеңістік жеңілдігі туралы мәселелерге көңіл бөлді. Шараның модераторы ҚТЖ вице-президенті Ермек Қизатовтың айтуынша, Қазақстан, Белорус және Ресей арасындағы теміржол тарифын бірегейлендіру - 2013 жылға қарай пойыздардың шекарада тұрып қалу уақытын, жылжымалы құрам айналымы мерзімін қысқартады. Жүк жөнелтушілердің қаржылық шығынын азайтады. Өткізу құжаттарын ресімдеуді жылдамдатады. БТЖ бастығы Анатолий Сивак өз кезегінде Белорус теміржолы әкімшілігінің жүк жөнелтушілерге икемді баға саясатын жасап отырғандығын жеткізді.

Дөңгелек үстел отырысы барысында өндірістік кәсіпорын басшылары темір жол компаниялары топ менеджерлеріне сұрақ қоя отырып, өздерін толғандырып жүрген жайлары бойынша толық мағлұмат алды. Белорус теміржолшылары Астана вокзалында болып, «Тұлпар» жүрдек пойызының жұмысымен танысты. Белорус делегациясы басшысы мен «Қазақстан темір жолы» ҰК» АҚ президентін Премьер министр Кәрім Мәсімов қабылдады. Белорустық теміржолшылардың сапары наурыздың 30-ында аяқталады.

«Қазақстан темір жолы» ҰК» АҚ Баспасөз қызметі






Теміржолшылар Наурызды тойлады

Биылғы жылы Астанада орналасқан «Қазақстан темір жолы» ҰК» АҚ орталық аппараты мен еншілес компанияларының еңбеккерлері «Бәйтерек» алаңына жиналды. Есіл ауданы ұйымдастырған мерекелік шаралар барысында «Қазақстан темір жолы» ҰК» АҚ ұжымы белсенділік көрсетіп, ұлттық дәстүр салтымен ерекшеленді.

Бұл күні барын киініп, жасанып шыққан теміржолшылар ұжымдары жасақтаған ақ шаңқан киіз үйлерде наурыз көже, құрт, ірімшік, қазы-қарта секілді таңсық тағамдардан дәм татып, Есіл ауданы көркемөнерпаздары әзірлеген концерттік бағдарламаны тамашалады.

«Әсем безендірілген киіз үй» байқауынан «Қазақстан темір жолы» ҰК» АҚ дайындаған ақ шаңқан үйлер сандық және сапалық жағынан Есіл ауданы бойынша бірінші орын алды.

Әсіресе, «ҚТЖ» ҰК» АҚ филиалдары - «Магистральдік желі» дирекциясы, «Шаруашылық басқармасы» мен еншілес кәсіпорындары – «Қазтеміртранс» АҚ, «Локомотив» АҚ ұжымы жасақтаған киіз үйлерге қала қонақтары да зор қызығушылық танытты.

Әрине, той төрінде теміржолға еңбек сіңірген ардагерлер мен қадірменді қонақтарға сый-сияпаттар жасалды.

Есіл ауданы көркемөнерпаздары құрамында «ҚТЖ» ҰК» АҚ-ының бірқатар еңбеккерлері де ән шырқады.



Қызықты той соңы жастардың түрлі ойындарына ұласты.

«Қазақстан темір жолы» ҰК» АҚ Баспасөз қызметі






Ұлттық стандарт аттестаты берілді

Бүгін Көліктегі басқару мен логистика орталығы Қазақстан Республикасы индустрия және жаңа технологиялар министрлігінің Ұлттық аккредитациялау орталығы аттестатын жеңіп алды.

Бұл маңызды құжат Орталықтың еліміздегі теміржол экспедиторлық қызметін аудиторлық және сертифиакаттау қызметіне баға беруіне мүмкіндік әпереді. Сондай-ақ, орталықтың сертификаттау мен аудиторлық сараптауынан өткен кәсіпорындарды «Қазақстан темір жолы» ҰК» АҚ мен басқа да тұтынушыларды ақпараттандыра алады.

ҚР Ұлттық экспедиторлар қауымдастығының төрағасы Нығметжан Есенғариннің айтуынша, Елбасы Нұрсұлтан Назарбаев көліктегі қауіпсіздікті қашанда бақылауда ұстауды талап етіп отыр.

Теміржолдағы қайта құрылымдау нәтижесінде Қазақстанда жеке экспедиторлық бизнес өрістеуде. Осыған байланысты экспедиторлық қызметтің сапасына баса көңіл аударылуда.

Қазіргі таңда теміржол көлігінде экспедиторлық бизнес нарықтағы өз орнын алды. 2010 жылы «ҚТЖ» ҰК» АҚ жүк тасымалдауына жасалған келісім шарттардың 500-ін жеке компаниялар жасаған. Осыған байланысты ендігі жерде фирмалардың сапалық мүмкіндігінің жоғарылату өзекті мәселеге айналып отыр.

«Қазақстан темір жолы» ҰК» АҚ Баспасөз қызметі






Үздік өнертапқыштар марапатталды

Астанада «Қазақстан темір жолы» ҰК» АҚ-ының өнертапқыштарының жылма жылғы конференциясы өткізілді. Оның отырысына республиканың түкпір-түкпірінен теміржол саласының өнертапқыштары жиналды. Компанияда тұңғыш рет жемісті жұмыс жасап келе жатқан өнертапқыштарға «Үздік өнертапқыш» кеуде белгісі табыс етілді.

Конференцияны «ҚТЖ» ҰК» АҚ Басқарушы директоры –Бас инженері Бауыржан Орынбасаров ашты. Ол өз сөзінде өнертапқыштардың еңбегі компанияның индустриялық-инновациялық дамытудың бір бөлшегі екендігін атап өтті. Қатысушыларға Мемлекет басшысының тапсырмасымен жүзеге асырылып жатқан «Қорғас-Жетіген» және «Өзен –Түркменстанмен мемлекеттік шекара» құрылыс жобаларының атқарылу барысын, Эволюшн сериясындағы тепловоздың соңғы буынын құрастырудың жүзеге асқандығын, Астанада электровоз және жолаушылар вагондары зауыттарының жобасы, Астана –Алматы бағдарында жоғары жылдамдықты қозғалыс жүзеге асырылатындығын баяндады.

Әсіресе, бұған дейін қолмен атқарылған пойыз қозғалысын мониторингілік бақылау жүйесі локомотивке орнатылған арнайы автоматтандырылған жүйе арқылы бақыланатындығына көңіл бөлінді. Ол арқылы жолдың да сапасы қадағаланады. Бұл жүйе өз кезегінде белгі беру және байланыс саласына да тың құрылғыларды қолдануға әкеледі. Оған қоса, таяу арада энергия үнемдеу жүйесіне де бақылау және қадағалау қондырғылары орнатылады.

«ҚТЖ» ҰК» АҚ Ғылыми-техникалық ақпарат және сараптау орталығының директоры Қанат Сүйіндіковтің айтуынша, 2010 жылы компания бойынша өндіріске енгізілген өнертапқыштық құрылғылар арқылы 15 миллион теңге үнемдеу қажет болса, бұл көрсеткіш бес есеге асыра орындалған. Дегенмен, компаниядағы өнертапқыштар саны әрбір жүз адамға біреуден ғана келеді екен. Сондықтан да «ҚТЖ» ҰК» АҚ президенті Асқар Маминнің тапсырмасымен «Компания мен еншілес кәсіпорындарындағы өнертапқыштық жұмыстар туралы Ереже» бекітілді. Бұл құжат арқылы компаниядағы өнертапқыштық еңбектерді моральдық-материалдық қолдау жайы көрсетілген.

Конференция барысында Ұлттық компанияда тұңғыш рет республикадағы үздік өнертапқыштар марапатталды. «Үздік өнертапқыш» атағына «ҚТЖ» ҰК» АҚ филиалы – Арыс вагон пайдалану депосының инженер -метрологі Исламхан Алтаев, «ҚТЖ» ҰК» АҚ филиалы – «Астана белгі беру және байланыс» дистанциясының радиобайланысы электромеханигі Илья Бебешко, «ҚТЖ» ҰК» АҚ филиалы – «Қарағанды жол дистанциясының» жол машинасы мен механизмдерінің қалпына келтірушісі Найл Алпаров ие болды.

Конференция соңында өнертапқыштар компаниядағы рационализаторлық жұмысты одан әрі дамыту жөнінде ұсыныстарын жеткізді.

«ҚТЖ» ҰК» АҚ Баспасөз қызметі






Экономикалық тиімді шешім

Бүгін «Қазақстан темір жолы» ҰК» АҚ-ында Ұлттық компанияның өкілдері, AlstomHoldings және ЗАО «Трансмашхолдинг» ЖАҚ делегациясымен Қазақстан Республикасында электровоз өндірісін ұйымдастыру жайында отырыс өткізді.

Күн тәртібінде Астана қаласында электровоз шығаратын зауытты іске қосу жайы қаралды.

Кездесуге Қазақстан тарапынан «ҚТЖ» ҰК» АҚ президенті Асқар Мамин, Экономика және қаржы жөніндегі вице-президент К. Алпысбаев, «Локомотив жөндеу» АҚ президенті С. Дүйсенов қатысты.

«Alstom» компаниясы атынан –Alstom Transport президенті Ф.Мелье, Вице-президенті Б.Гонэ, ТМД елдері бойынша тұтынушылармен жұмыс жөніндегі директоры Любэ; «Трансмашхолдинг» ЖАҚ тарапынан Бас директордың орынбасары С. Фомин қатысты.

Кеңесте Астана қаласындағы «Локомотив құрастыру зауытына» үш компания атынан жүргізілген зерттеу сараптау қорытындылары шығарылды. Сараптау қорытындысында жұмыс жасап жатқан тепловоз құрастыру зауытының аумағын және инфрақұрылымын пайдалана отырып, электровоз шығаруға болатындығы айтылады. Бұл арқылы инженерлік коммуникациялық құрылғыларды тарту, көліктік желі тарту шығындары азайып, қазіргі жұмыс істеп тұрған құрал-жабдықтар мен еңбек ресурсын пайдаланудың да мүмкіндіктері ашылмақ. Алдын ала жасалған болжамды есеп-қисап жобасы бойынша «ЛҚЗ» АҚ зауыты жанына орналасатын өндіріс кешені құрылысын 5-6 айға шегеруге және бастапқы көзделген қаржыны 42 пайызға дейін үнемдеуге болатындығы анықталды.

Осы талаптарды жан-жақты сараптаудан өткізе келе тараптар қазіргі жұмыс жасап тұрған «Локомотив құрастыру зауыты» аумағынан электровоз шығаратын зауыттың құрылысын жүргізуге болатындығын көз жеткізді. Сөйтіп үш жақты шешім қабылданып, тиісті хаттамамен бекітілді.

«Қазақстан темір жолы» ҰК» АҚ Баспасөз қызметі






Жолы әрқилы – құндылығы жалпы

«Қазақстан темір жолы» ҰК» АҚ-ында Персоналды басқару және әлеуметтік мәселелер жөніндегі вице-президент Асхат Акчуринмен бірқатар филиал басшылары 6-шы Адам ресурстарын басқару халықаралық конференциясына келген «Ресей теміржолдары» ААҚ делегаттарымен кездесті.

Соңғы жылдары Қазақстан мен Ресей мемлекеттері арасында өзара жүк тасымалы кеңінен өрістеуде. Екі ел теміржолшылары кадр және әлеуметтік мәселелер және жаңа технологиялар бойынша үнемі тәжірибе алмасып отырады.

Екі жақты әріптестік байланыстың нәтижесінде «Қазақстан темір жолы» ҰК» АҚ-ында Жастар саясаты, медициналық пойызды ұйымдастыру, «РТЖ» ААҚ оқу орталықтарында қазақстандық мамандардың біліктілігін көтеру дәстүрі қалыптасқан.

Өз кезегінде Асхат Акчурин ресейлік әріптестерін бірлесе жасаған жұмыстардың нәтижелі болып жатқандығына ризашылығын білдірді. Қазақстан темір жолы саласындағы индустриялық инновациялық бағдарламаны жүзеге асыру барысымен таныстырды.

Ресейлік теміржолшылар да қонақжай қазақстандықтармен қашанда бірлесе қызмет етуге дайын екендіктерін жеткізді. Әріптестер кездесу соңында ескерткіш сыйлықтармен алмасты.

«ҚТЖ» ҰК» АҚ Баспасөз қызметі






Сенаторлар ҚТЖ әлеуметтік саясатын құптады

Сенаттың Әлеуметтік-мәдени даму комитетінде депутаттар мен ұлттық компаниялар, холдингтер және бизнес құрылымдары басшыларымен кездесуінде бизнестің әлеуметтік жауапкершілік мәселелері сөз болды. Сенаторлар «ҚТЖ» ҰК» АҚ –ның әлеуметтік саладағы атқарып жатқан қызметімен танысып, толығымен құптады.

Комитет төрағасы А.Бижанов талқылауды аша келіп, Президент Н.Назарбаевтың қатысуымен 2008 жылғы қаңтарда Жезқазғанда болған Республикалық форумда қол қойылған Әлеуметтік-еңбек қатынастары саласындағы Келісімді жүзеге асыру аясындағы осы кездесудің маңыздылығын атап өтті.

Отырыста баяндама жасаған «ҚТЖ» ҰК» АҚ Персоналды басқару және әлеуметтік мәселелер жөніндегі вице-президенті Асхат Акчурин Ұлттық компанияның кадр саясаты, персоналды оқыту, жастарға қолдау көрсету, компаниядағы тұрғын үй саясаты, еңбеккерлердің денсаулығын сақтау,зейнеткерлерге қамқорлық, теміржолшылардың салауатты өмір салты туралы жан-жақты әңгімеледі.

Сенаттың әлеуметтік –мәдени даму комитетінің мүшелері Ұлттық компанияның әлеуметті қолдау саласындағы атқарып отырған жұмыстарына ризашылықтарын білдіріп, оны әрі қарай табысты жүргізе беруіне мүдделілік танытты.

Негізгі баяндама жасаған еңбек және халықты әлеуметтік қорғау министрі Г.Әбдіхалықова экономиканы жаңғырту мен халықтың әл-ауқатын жақсартудағы әлеуметтік жауапкершілік ісіне бизнестің қатысу мәселелеріне назар аударды.

Кездесуде сонымен қатар «Қазатомпром» ұлттық атом компаниясы» АҚ басқарма төрағасы В.Школьник, «Родина» агрофирмасы» ЖШС бас директоры И.Сауэр, Кәсіподақ федерациясы төрағасының орынбасары Г.Жұмагелдиева, «Қазақтелеком» АҚ мемлекеттік органдармен жұмыс жөніндегі басқарушы директоры Д.Тұяқов және басқалар сөз сөйледі.

Кездесуге қатысушылар осы саланы жетілдіру жөніндегі бірқатар сындарлы ұсыныстар айтты. Атап айтқанда, әлеуметтік ынтымақ мәдениетін дамыту, азаматтық түсінікті қалыптастыру, бизнестің әлеуметтік жауапкершілік рөлінің мәнін ұғыну қажеттігі аталып өтілді. Одан басқа, бизнестің табысты болуы және әлеуметтік жауапкершілігі арта түскені – қоғамның тұрақтылығы, ал қоғамның тұрақты бола түскені – бизнестің табысты болуы екені айтылды. Бұл өзара байланыс қоғам мен мемлекеттің тұрақты дамуының кепілі.

«ҚТЖ» ҰК» АҚ Баспасөз қызметі






ҚТЖ: жаңалықтарға жанашырлық

«Қазақстан темір жолы» ҰК» АҚ жұмыс берушілер арасындағы бірінші Респубикалық «Сенім-2010» байқауының дипломанты атанды. Компанияға «Үздік жұмыс беруші ұлттық компания» және «Үздік HR жобасы» дипломы мен күміс статуэтка ескерткіш сыйлығы табыс етілді.

2010 жылғы қарашаның 10-ында «Самұрық –Қазына» ҰӘҚ» АҚ ұйымдастырған «Адам ресурстарын басқару : HR жаңалығы» 6-шы Халықаралық конференциясы аясында басталған байқаудың қорытындысы шығарылды.

«Сенім» байқауының мақсаты – жұмыс беруші ретінде жергілікті тұрғындардың сеніміне ие болған қазақстандық компанияларды анықтау болатын. Оны ұйымдастыруға Қазақстанның HR менеджерлері қауымдастығы, «Самұрық-Қазына» корпоративтік университеті», Қазақстанның әлеуметтік саяси зерттеу институты атсалысты.

Байқау бес кезеңнен тұрды. Алғашында үш мың қазақстандықтан өмір сүру деңгейіндегі өзгеріс, жұмысына қанағаттануы, Қазақстан Республикасы тұрғындарының әлеуметтік тұрмысы жөнінде сұрақ жауап алынды. Екінші және үшінші кезеңінде сарапшылар байқауға қатысушы компаниялардың елуден астам қызметкерінен сұрақтарға жауап алып, сараптаудан өткізді. Төртінші кезеңінде байқау әділқазылары «Үздік HR жобасы» байқауына қатысушы компаниялардың адам ресурстарын басқарудағы жобаларымен танысты.

Жан жақты сұрау салулар мен арнайы HR жобасының тұсаукесері бойынша 11 адамнан тұратын сарапшылар тобы «Қазақстан темір жолы» ҰК» АҚ-ын бірінші дәрежелі «Үздік HR жобасы – «Жастар саясаты» және 2-ші дәрежелі диплом «Үздік жұмыс беруші компания» аталымы бойынша марапаттады.

- Біз өз қызметімізде корпоративтік басқарудың халықаралық үздік тәжірибесіне, кадр әлеуетінің сапасын жоғарылату, еңбек жағдайын жүйелі жетілдіруге ден қоямыз,- деп атап өтті марапаттау рәсімінде Ұлттық компанияның Персоналды басқару және әлеуметтік мәселелер жөніндегі вице-президенті Асхат Акчурин.

Оның айтуынша, компанияда теміржолшыларды әлеуметтік қолдау оның ішінде: тұрғын үймен қамту, медициналық сақтандыру, материалдық және жәрдемақы төлеу секілді қолдау түрлері бар. Осыған байланысты соңғы екі жылда кадрлердің басқа жұмысқа ауысу үдерісі 14-тен 9,9 пайызға азайды. Кадрлердің өз жұмысына қанағаттануы 65 пайызға көтерілді.

Әсіресе, компаниядағы Жастар саясаты сапалы жүргізілуде. Мұнда ХДП «НұрОтан» жастар қанаты «Жас отан» Жастар кеңесі құрылған. «ҚТЖ» ҰК» АҚ Жастар ісі жөніндегі Кеңесі жұмыс істейді. Бұл қоғамдық ұйымдар компаниядағы жастарды еңбекке ынталандыру жөніндегі әлеуметтік бағдарламаларды қолдап отырады. Компания жылма-жыл жастардың «Сен болмасаң кім?» демалыс лагерін ұйымдастырады. «Менеджмент жобасы» және «Болашақ басқарушылар» бағдарламасы аясында «Жастар теміржол болашағы» айдарымен жастардың республикалық форумын тұрақты өткізеді.

Осы және басқа да арнайы бағдарламалары теміржол саласында жастардың тұрақтауы, олардың әлеуметтік мәселелерінің тиімді шешілуі, болашағы зор басқарушыларды анықтауға мүмкіндік әпереді.

«ҚТЖ» ҰК» АҚ Баспасөз қызметі






Syndicate content

«ҚТЖ» ҰК» АҚ трансформациясы
«ҚТЖ» ҰК» АҚ трансформациясы
«ҚТЖ» ҰК» АҚ приватизациясы
«ҚТЖ» ҰК» АҚ приватизациясы
© АО «НК «Қазақстан темір жолы»
Политика информационной безопасности
Ваш отзыв очень важен для нас
Оценка дизайна web-сайта