Слайд



Жолаушылар Жүк жөнелтушілер

Онлайн билет сатып алу

Тізімінен станцияны таңдаңыз, содан кейін станцияның атын теруді бастаңыз

Пресс-релизы

ҚТЖ еншілес компаниясы отандық тауар өндірушілермен 25 млрд. теңгеге ұзақ мерзімді келісім-шарт жасасады

2012 жылдың 24 ақпанында «ҚТЖ» ҰК» АҚ-ның 100 %-дық еншілес «Қазтеміртранс» АҚ жүк вагондарын жөндеуге арналған қосалқы бөлшек шығаратын отандық өндірушілермен және вагон жөндеуші кәсіпорындармен Ынтымақтастық жөніндегі үшжақты меморандумға қол қойды.

Меморандумға сәйкес,  «Қазтеміртранс» АҚ мен жүк вагондарын жөндеу саласында жұмыс істейтін отандық тауар өндірушілердің арасында 2012 жылдан 2015 жылға дейін ұзақ мерзімді сатып алу жөнінде келісім-шарттар жасалады. Тауарла бағасы 2012 жылғы деңгеймен сақталады. Ал ұзақ мерзімді контракт сомасы 25 млрд. теңгені құрайды.

Меморандумға қол қою кезінде «Қазтеміртранс» АҚ өндірісті қамтамасыз ету жөніндегі директоры Ерлан Өмірзақов  атап өткеніндей, «қазақстандық компанияларымен келісім-шарт жасаса отырып, Қазтеміртранс импортқа тәуелділіктен арылып, вагон жөндеуші өз кәсіпорындарын қажетті тұрақты, жоспарлы жабдық пен қосалқы бөлшектермен, ал отандық тауар өндірушілерді нақты тапсырыспен қамтамасыз етпек».

«Қазтеміртранс» АҚ-ның вагон жөндеудегі жыл сайынғы қажеттілігі 18-22 мың дана болса, толығымен тегістелген дөңгелектер сияқты қосалқы бөлшектерге деген қажеттілік жылына 20-22 мың дананы құрайды.

2011 жылы ішінде компания 20 847 вагонды жөндеуден өткізді. Олардың 1507 вагоны, депоның жылжымалы құрамының  18 067 вагоны кешенді жөнделген. 1273 вагон қызмет мерзімін ұзарта отырып жөндеуден өткен.

Жылжымалы құрамның жетіспеушілігін шешу мақсатында «Қазтеміртранс» АҚ 2012 жылы 16 000 вагон сатып алуды жоспарлап отыр. Оның 3000 вагоны отандық кәсіпорындарда жасалады.

«Қазтеміртранс» АҚ баспасөз қызметі

«ҚТЖ»ҰК» АҚ баспасөз қызметі


 






Жастарға ҚТЖ-ға жол ашық

Компанияға жас қызметкерлерді тартып, орналастыруға «Қазақстан темір жолы» Ұлттық Компаниясы» акционерлік қоғамы мен оның еншілес компанияларының 2012-2015 жж. арналған Жастар саясаты бағдарламасы көмектесіп отыр. Жас кадрлардың әлеуетін ашу және пайдалану – Қазақстан темір жолы қызметінің басым бағыттарының бірі.

Бұл құжат Қазақстан Республикасының «Мемлекеттік жастар саясаты» Заңы шеңберінде жүзеге асырылып жатқан мемлекеттік жастар саясаты қағидаларына сай жасалған.

Салалық құжат теміржолшы мамандығын насихаттауға, жас қызметкерлерді кәсіби дамытуға, олардың жұмыс үдерісіне бейімделуге қол ұшын созуға бағытталған.

Атап айтқанда, «ҚТЖ» ҰК» АҚ қазақстандық профильді ЖОО-мен қарым-қатынасты жалғастырып жатыр. Жыл сайын көлік жоғарғы оқу орындары мен колледждерінің 800-ге жуық түлегі еңбек жолын ҚТЖ-ның салалық бөлімшелерінде бастайды. Одан бөлек, компанияда студенттік тәжірибе жүйесі дамып келеді.

Жас мамандарды ынталандырудың тағы бір тәсілі – тұрғын үймен қамту. Жастар саясатын жүзеге асыру кезінде Компания мен оның еншілес ұйымдрының жас қызметкерлеріне төлемдерді бөліп төлеу қағидасымен тұрғын үймен қамтамасыз ету жолдары қарастырылады.

Компанияда жас мамандардың шығармашылық әлеуеті мен инновациялық қызметін дамытуға барлық жағдай жасалып жатыр. Теміржолшының кез келген онертапқыш ұсынысы қарастырылып, ойлап тапқан идеясы материалдық жағынан ынталандырылады.

Осы және өзге де шаралар компанияның және жалпы Қазақстан экономикасының дамуына үлес қосары хақ.

Бүгінде «ҚТЖ» ҰК» АҚ компаниялар тобында 33 872 немесе жалпы персоналдың 23,4 %-ы жас маман болып табылады. Оның 21,3 % (7 230 адам) басшылық пен мамандар қызметінде. Ал өндірістегі жұмысшылардың арасындағы жастардың үлесі 81,5 %-ды (27 609 адам) құрайды.

«ҚТЖ» ҰК» АҚ баспасөз қызметі






Қазақстандық үлесті дамыта отырып

ҚР Индустрия және жаңа технологиялар министрі Әсет Исекешев және «ҚТЖ» ҰК» АҚ президенті Асқар Мамин Өскемен қаласындағы «Востокмашзавод» АҚ-ның өндірістік цехтарын аралады.

Зауыттың бас директоры Александр Деревянко кәсіпорынның өндірісті жаңарту мен теміржол саласында болат құю жөніндегі міндеттемелерін орындап жатқанын хабарлады.

А. Деревянконың айтуынша, зауыттағы орташа жалақы 1,5 есеге өсті, ал құю-қалыптау өндірісінде жалақы өсімі 1,8 есені құраған. Қазіргі кезде №5-айқыштау цехында «Қамқор» компаниялары тобына арналған теміржол өнімдерін жасау тапсырысының артуымен жаңа өндірістік қуат еселенді.

№10 -шойын құю цехын болатты вагон құюға вакуумдық-қабықшалық қалып әдісімен қайта құру бекітілген жоспар бойынша іске асырылып жатыр. Жобалық қуаты жылына 14 000 тонна құйманы құрайды.

Үстіміздегі жылдың тамыз айының аяғына дейін әр түрлі жабдықты жеткізу жоспарланып отыр. Ал қазан айында бүйір жақтайшасы мен иінді білігін сынақ үшін құю, желтоқсан айында жобаны іске қосу көзделуде.

«Қамқор менеджмент» ЖШС баспасөз қызметі






ҚТЖ қызметкерлеріне арналған әлеуметтік желі

«Қазақстан темір жолы» ҰК» АҚ www.zhastemir.kz атты өз әлеуметтік желісі пайда болды.

Компанияның кез келген қызметкері сайтқа тіркеліп, қызығушылығы бойынша топ құрып, соңғы жаңалықтарымен танысып, фото, видео мен әндерді жүктей алады. Бұл әлеуметтік желіге жастар ерекше қызығушылық танытып отыр.

Осылайша, компанияның ұжыммен кері байланыс пен қарым-қатынас, дистанциялық жүйені дамытуға арналған 2012-2015 жж. бағдарламасы жөніннен жастар саясатының бір бағыты орындалып жатыр.

Zhastemir.kz сайты - Қазақстанның барлық теміржолшыларын біріктіретін әрі әр түрлі бөлімшелерде, аймақтық филиалдарда, еншілес компанияларда жұмыс істейтін қызметкерлердің араласатын интерактивті алаңы. Жаңа интернет желісі жастардың Қазақстан темір жолының экономикалық және қоғамдық өміріне белсенді араласуына жол ашады.

Сайт қазіргі кезде ашық сынақ режимінде жұмыс істейді.

«ҚТЖ» ҰК» АҚ баспасөз қызметі






Медициналық пойыздарға жол ашық

«ҚТЖ» ҰК» АҚ, ҚР Төтенше жағдайлар мен Денсаулық сақтау министрліктерінің үш медициналық пойызы жаңа бағыт бойынша өз маршруттарын қайта жаңғыртты.

Медициналық пойыздар 2012 жылдың басынан бастап 8 000-нан астам қазақстандыққа қызмет көрсеткен. Ал «Саламатты Қазақстан» пойызы 2012 жылдың 19 ақпанында Қарағанды стансасынан жергілікті уақыт бойынша сағат 20:15-те қатынай бастады. Пойыз бригадасы 10 наурызға дейін Көкшетау маңындағы Смирново, Қиялы, Тайынша, Макинка, Елтай стансаларын аралап, барлығы 1 376 шақырым жолды қамтиды.

Қалған екі медициналық «Денсаулық» пен «Жәрдем» пойыздары Алматы-2 мен Ақтөбе стансаларынан бүгін жолға аттанбақ.

Алдында 2 599 адамға қызмет көрсеткен «Денсаулық» пойызы үстіміздегі жылдың 20 ақпанынан 6 наурызына дейін Алматы облысының 548 шақырымға созылатын 11 стансасын, оның ішінде Жетіген, Отар, Шилібастау, Шамалған және тағы басқа стансаларды басып өтеді.

Арнайы емдік-диагностикалық медициналық «Жәрдем» пойызы 2000 шақырымдық жол жүріп, Ақтөбе облысының 30 стансасын аралайды. Әйтеке би, Никельтау, Ізімбет, Біршоғыр, Көпмола, Шұбарқұдық сынды стансалардың тұрғындары жоғары білікті мамандардың назарынан тыс қалмайды. Бірінші маршруты кезінде «Жәрдем» пойызы Батыс-Қазақстан облысының 8 станса мен разъездеріне ат басын тіреген. Медициналық көмекке 1 854 адам жүгінген болатын.

Барлық үш медициналық пойыз алдында барған стансаларға тоқтамай, жаңа елді мекен тұрғындарына көмек беретінін атап өткен жөн.

«ҚТЖ» ҰК» АҚ баспасөз қызметі






ТЭЗ33А локомотивтерін «Рохи Охани Точикистон» МУК-ке жеткізу

Қазақстаннан «Evolution» сериясының ТЭЗЗА екі локомотиві экспортталды. Бірінші экспорттық партияның тізімге алынатын жері – Тәжік темір жолдары.

0113 пен 0114 жол нөмірлері бар локомотивтер қабылдау актісіне алдын ала қол қоюдан кейін 17 ақпанда Локомотив құрастыру зауытынан жөнелтілді. Осы орайда Қазақстанға ат басын тіреген тәжік машинистерінен басқа тепловоздарды тасымалдауға Алматы депосының локомотив бригадасы да қатысады.

«ЛҚЗ» АҚ бірінші экспорттық мәмле 2011 жылдың 21 қарашасында Тәжікстан астанасы Душанбеде жасалған. «Локомотив құрастыру зауыты» АҚ мен «Рохи Охани Точикистон» Мемлекеттік унитарлы кәсіпорын арасында Астана қаласында «General Electric» американдық концерні лицензиясы бойынша жасалған қазақстандық 6 локомотивті жеткізу туралы келісім-шартқа қол қойылған.

Келісім-шарт шеңберінде жеткізілім екі локомотивтен 3 кезеңде жүзеге асады. Қазақстандық локомотивтер Тәжікстанның ең ірі Душанбе-1, Курган-Төбе, Ходжант деполарында тіркеледі.

«ЛКЗ» АҚ экспорттық партияның 4-уін толық жасап шықты. Ішкі нарық үшін жасалған ТЭЗЗ А-дан бұлар тек түсімен ғана ерекшеленеді. Экспортқа арналған тепловоздар Тәжікстанның мемлекеттік туы іспеттес үш түсті. Тапсырыс берушінің тарапынан техникалық жағын өзгерту туралы өтініш түспеген.

Тепловоздарды түпкілікті қабылдау актісіне Тәжікстан Республикасында тізімге алынатын жеріне жеткізілген соң қол қойылады. Сол уақытта олар Тәжік темір жолдарының құзырына толығымен беріледі. Барлық алты локомотивті үстіміздегі жылдың наурыз айында жөнелту жоспарланып отыр.

«ЛҚЗ» АҚ баспасөз қызметі

«ҚТЖ» ҰК» АҚ баспасөз қызметі






Жұмыспен қамтудың тиімді саясаты жүзеге асырылуда

«Қазақстан темір жолы» акционерлік қоғамы теміржол көлігінің технологиялық үдерісіне жаңа технология, қозғалмалы құрамның қазіргі заманғы модельдерін, жұмысты автоматтандыру мен механикаландыру, жұмыстың өнімділігін арттыру мақсатында жаңа жабдықтауды енгізу үшін қомақты қаржы жұмсап отыр.

Жұмыстың тиімділігі мен өнімділігін арттыру «ҚТЖ»ҰК» АҚ-да 2009 жылдан бері жүргізіліп келе жатыр. Бұл еңбек өнімділігін 30%-ға өсіруге мүмкіндік берді.

Компанияда мынандай бірқатар ірі жобалар іске асырылды: Астанадағы локомотив құрастыру мен жолаушы вагондарын шығаратын зауыттар құрылысы, Алматы мен Маңғыстау облыстарындағы жаңа темір жол желістерінің құрылысы. Бұл өз кезегінде 2009-2011 жж. аралығында 2 869 жаңа жұмыс орындарын қамтамасыз етті.

Сонымен қатар негізгі қызметтің құрылымын өзгерту 2014 жылға дейінгі жұмысшылардың 17 %-ның қысқаруы негізінде жүзеге аспақ. Яғни әкімшілік-басқару аппаратының 1950 адамы немесе 4%-ы немесе өндірістік персоналдың 6090 қызметкері.






Емдік пойыздар келесі кезекті күтуде

3 медициналық пойыз 2012 жылдың басынан 8 мың қазақстандыққа қызмет көрсетті. Медициналық көмек пен дәрігердің кеңесіне зәру жандар саны күннен күнге көбеюде.

26 жұмыс күні ішінде (16 қаңтардан 13 ақпанға дейін) Қарағанды облысында қатынаған «Саламатты Қазақстан» пойызы 3 939 адам қабылдады және олардың әрқайсысы орта есеппен 4 дәрігердің қабылдауында болған. Дәрігерлер 7 мыңнан астам медициналық және лабораториялық зерттеу жүргізіп, тіс дәрігерлері 878 адамды емдеді.

«Саламатты Қазақстан» шалғайдағы 19 станса мен разъезді аралап, қазір Қарағанды стансасында тұр.






Әлеуетті жабдықтаушылардың назарына!

«ҚТЖ» ҰК» АҚ «Самұрық-Қазына» Ұлттық Әл-ауқат қоры» Акционерлік қоғамының және оның Директорлар кеңесінің 2011 жылдың 2 қарашасында №72 шешімімен бекітілген және тауар, қызмет көрсету жөніндегі тендерге қатысу туралы өтінішті рәсімдеу мен берудің тәртібі жеке меншік немесе сенім білдіретін басқару құқығында акциялардың елу және одан да көп пайызы (қатысу үлесі) тікелей немесе жанама түрде «Самұрық-Қазына» АҚ-на қарайтын ұйымдардың тауар, қызмет көрсету Ережелеріне өзгерістер мен толықтырулар енгізу жөнінде «ҚТЖ» ҰК» АҚ тауар, қызмет көрсетудің әлеуетті жабдықтаушыларымен кездесу өткізетіндігін жариялайды.

Жабдықтаушылармен кездесу 2012 жылдың 21 ақпанында 15:00-де мына мекен-жай бойынша өтеді: Астана қаласы, Қонаев көшесі, 6, 3-қабаттағы конференц-зал.

«Қазақстан темір жолы» ҰК» АҚ маркетинг пен сатып алуды сараптау департаменті






Халықтың мобильділігін арттыру

2012 жылдың 1 қаңтарынан 7 ақпанына дейін ҚР-дағы жолаушы пойыздары 1 871 505 жолаушы тасымалдады. Бұл 2011 жылдың деңгейінен 11,9% жоғары. Жылдың басынан пойыздардың жолаушы айналымы шақырымына 1 438 036 мың жолаушыны құрап, 2011 жылдың дәл осы кезеңімен салыстырғанда 10,2% - ға өскен.

2012 жылдан бері «ҚТЖ» ҰК» АҚ Жолаушыларды жедел тасымалдау бағдарламасын жүзеге асыра бастады. Бұл бағдарламаның іске асуы Астана қаласындағы «Тұлпар-Тальго» зауыты шығаратын жаңа жолаушы вагондарына байланысты. Мұндай 19 вагондардан құралған бірінші пойыз Алматы мен Петропавл қалаларын байланыстырады. Жыл сайын зауыт 150 жаңа вагонды пайдалануға бермек.

-Бұл - жолаушы қозғалысындағы серпін, - деп атап өтті «ҚТЖ» ҰК» АҚ Президенті Асқар Мамин аппарат кеңесінде. – Жылдамдықты 2 есе ұлғайтып, уақыт шығынын 2 есе азайтамыз. Оған барлық негіз бар: зауыт салынды, жылжымалы құрам болады. Қазір осы жылдамдықта жүру үшін инфрақұрылымды дайындап, халықтың мобильділігін арттыру қажет. Өйткені халықтың мобильділігін арттыру – бұл экономиканың қарқынына әсер етуші тікелей фактор,- деді компания басшысы.

2011 жылы темір жол көлігі 16,5 млн. жолаушы тасымалдады, бұл 2010 жылға қарағанда 10%-ға көп.

«ҚТЖ» ҰК» АҚ баспасөз қызметі






Syndicate content

«ҚТЖ» ҰК» АҚ трансформациясы
«ҚТЖ» ҰК» АҚ трансформациясы
«ҚТЖ» ҰК» АҚ приватизациясы
«ҚТЖ» ҰК» АҚ приватизациясы
© АО «НК «Қазақстан темір жолы»
Политика информационной безопасности
Ваш отзыв очень важен для нас
Оценка дизайна web-сайта