Слайд



Жолаушылар Жүк жөнелтушілер

Онлайн билет сатып алу

Тізімінен станцияны таңдаңыз, содан кейін станцияның атын теруді бастаңыз

Пресс-релизы

«Қорғас –Шығыс қақпасы» АЭА тұсаукесері өткізілді

Желтоқсанның 7-сінде Алматыда «Қазақстан темір жолы» ҰК» АҚ мен «Ұлттық көлік және логистика орталығын дамыту» АҚ ұйымдастыруымен «Қорғас-Шығыс қақпасы» АЭА ашылуына байланысты семинар –кеңес өткізілді.

Кеңес жұмысына мемлекеттік орындар, ұлттық компаниялар, қауымдастықтар, қоғамдық бірлестіктер, көлік компанияларының өкілдері қатысты.

«Қорғас – Шығыс қақпасы» АЭА тұсаукесері кезінде жобаға тұрақты қатысушыларды тіркеуден өткізу, кедендік және салықтық үйлестіру жұмыстары талқыланды.

Семинар кеңеске қатысушылармен ҚР көліктік логистикалық желісін дамытудың шеберлігін шыңдау жолдары қамтылды. Көлік –логистикалық қызметті дамыту кезінде оны әлемдік сапалық деңгейге көтеру, ел аумағы арқылы транзиттік тасымалды арттыру жайлары қарастырылады.

«Қорғас- Шығыс қақпасы» АЭА жобасы Мемлекет Басшысының тапсырмасы бойынша стратегиялық басымдық берілген қызмет түрі. АЭА Еуразиялық құрылықтың ең қолайлы бөлігі Алматы облысының Панфилов ауданы аумағында орналасқан. АЭА тобына «Қорғас» ХШЫО, сауда көрмелік желі, келісім алаңдары, құрғақ жүк порты, көліктік- логистикалық кешені, индустриялық аймақ, бірқатар өндіріс орындары кіреді.

Кеңесте айтылғандай, АЭА-тың басымдық берілген тұстары өңірдің географиялық орналасуын тиімді пайдалану, өнеркәсіптік кластерді жүзеге асыру, халықаралық әріптестікті барынша дамыту көзделеді.

«ҚТЖ» ҰК» АҚ Баспасөз қызметі






ҚТЖ спортшылары үздік атанды

«Қазақстан темір жолы» ҰК» АҚ құрама командасы Қазақстан Тәуелсіздігінің 20 жылдығына орай «Қазмұнайгаз» ЖШС ұйымдастырған спорттық сайыста бас жүлдені иемденді.

 

Жарыс желтоқсанның 1-4 аралығында өткізілді. Ерлер арасында мини футболдан әйелдер арасында спорттың басқа түрлерінен сайысты. Теміржолшылар жартылай финалда «Қазпошта» АҚ 7:1 есебімен ойсырата ұтты. Соңғы ойында «ҚМГ РД» АҚ ойыншыларын 3:1 есебімен жеңді. ҚТЖ әйелдер командасы эстафеталық ойындардан бірінші орынға шықты.

Бірінші орын алған «ҚТЖ» ҰК» АҚ командасына 1-ші дәрежелі диплом мен естелік кубогі табыс етілді.

«ҚТЖ» ҰК» АҚ Баспасөз қызметі






Мемлекет Басшысының тапсырмасымен салынып жатқан көлік инфрақұрылымы нысандарының дайындығы тексерілді

Қазақстан Тәуелсіздігінің 20 жылдығы қарсаңында Қазақстан Премьер министрінің орынбасары – индустрия және жаңа технологиялар министрі Әсет Есекешев пен ҚР көлік және коммуникациялар министрі Берік Қамалиев, «Қазақстан темір жолы» ҰК» АҚ президенті Асқар Мамин Мемлекет Басшысының тапсырмасымен Алматы облысында салынып жатқан көлік инфрақұрылымы нысандарының дайындығын тексерді.

Негізгі нысандарды іске қосу мен тұсаукесер рәсімі биылғы жылғы желтоқсанның 9-ында Индустрия форумы аясында өткізіледі.

Жобаның басы қасында Қазақстан мен Қытайдың басшылары тұрды. 2006 жылғы желтоқсанның 20-сында Қазақстан Президенті Н. Назарбаевтың ҚХР-на мемлекеттік сапары аясында ҚР Көлік және коммуникациялыр министрлігі мен ҚХР Темір жол министрлігі арасында ҚР мен ҚХР теміржолын Қорғас (ҚР) станциясы мен Хоргос (ҚХР) арқылы жалғастыру үшін құрылысын жүргізу турасындағы Меморандумға қол қойылды.

Бұл жол Қазақстанның көлік жүйесін дамытудағы республиканың транзиттік әлеуетін пайдалануда үлкен мүмкіндіктерге жол ашады.

Құрылыс барысында бес мың жұмыс орны ашылды. Ол іске қосылғанда 2055 адам тұрақты жұмыспен қамтылады.

Жол рекордтық қысқа мерзімде салынды. Магистралдың қазақстандық бөлігін салу 2009 жылғы тамыздың 3-інде басталған болатын. Осы мерзімде отандық мердігерлік ұйымдар 293 шақырым жол салды.

5 станция, 9 жол айырғы, 28 көпір, екі суағар тұрғызды. Оптикалық талшықты байланыс желісі тартылды. Алтынкөл шекаралық станциясы мен жол айырықтарында қызметтік-техникалық ғимараттар тұрғызылды.

Қазіргі уақытта әлеуметтік нысандар тұрғын үйлер, балабақшалар, мектеп, жатақханалар, медициналық орындар салынуда. «ҚТЖ» ҰК» АҚ президенті Қазақстанның көліктік-логистикалық жүйесін дамыту тұжырымдамасы мен ҚТЖ базасында ықпалдасқан көліктік –логистикалық операторлық қызметі туралы баяндады. Мемлекет Басшысының тапсырмасымен салынып жатқан нысандардың дайындығын тексеру барысында «Қорғас» халықаралық шекаралық ынтымақтастық орталығының жаяу жүргіншілерге арналған өткелі ашылды. Ол арқылы екі елдің азаматтары өтетін болады. Жолдың ашылу рәсіміне қытай тарабынан ҚХР Мемлекеттік кеңесінің вице-премьері Чжан Дэцзян қатысты.

2011 жылы «Қорғас» ХШЫО нысандары іске қосылды. Тәулігіне он мыңнан астам адамды өткізе алатын тексеру-өткізу бекеті салынды. 23 шақырымдық автожол, автокөпір, төрт туннел, басқа да шекаралық- кедендік инфрақұрылымға қажетті нысандар тұрғызылды. Орталық іске қосылғаннан бастап инвестициялық жобаларды қаржыландыру мен туристік жобаларды жүзеге асыруға қолайлы ахуал жасалған.

«Жетіген-Қорғас» темір жол желісінің құрылысы аяқталуына орай және «Қорғас» ХШЫО пайдалануға берілуі болашақта «Қорғас- Шығыс қақпасы» индустриялық – логистикалық Хабтың белгілі бір кезеңі болып табылады.

Қызмет бабындағы тексеру барысында ҚР Премьер министрінің орынбасары көліктік инфрақұрылымның дайындығына жоғары баға берді.

«ҚТЖ» ҰК» АҚ Баспасөз қызметі






Астанада үш жақты әріптестік туралы Меморандумына қол қойды

2011 жылдың 30 қарашасында Астанадағы Үкімет үйінде Қазақстан Республикасының Премьер-министрі Кәрім Мәсімовтың қатысуымен «Қазақстан темір жолы» ҰК» АҚ, «Сбербанк России» ААҚ және Қазақстандағы «Сбербанк» АҚ еншілес банкі арасында ынтымақтастық туралы үшжақты Меморандумға қол қою салтанатты рәсімі болып өтті. Тараптардың атынан компаниялардың бірінші басшылары, атап айтқанда, «Қазақстан темір жолы» ұлттық компаниясының атынан оның президенті Асқар Мамин, «Сбербанк России» ААҚ-ның атынан банк президенті, басқарма төрағасы Герман Греф және «Сбербанк» еншілес компаниясы атынан басқарма төрағасы Олег Смирнов өкілдік етеді.

Ынтымақтастық жөніндегі Меморандум «ҚТЖ» ҰК» АҚ инвестициялық жобаларын қаржыландыру мен дамытуға бағытталған. «Сбербанк» өз кезегінде өз мойнына жоғары деңгейдегі серіктестік міндеттемелерін алады. Атап айтсақ, «ҚТЖ» ҰК» АҚ бұқаралық борыш құралдарын орналастырудың негізгі ұйымдастырушысы ретінде ғана емес, «ҚТЖ» ҰК» АҚ қажеттіліктеріне қарай өзге де қаржы қызметтерін көрсетуге дайын екендігін білдіреді.

«Қазақстан темір жолы» ҰК» АҚ






Жауапты сапар аяқталды

Астана теміржол вокзалында «Менің Қазақстаным» және «Саламатты Қазақстан» пойыздарын күтіп алу салатанаты өткізілді.

«Менің Қазақстаным» пойызы Қазақстан Тәуелсіздігінің 20 жылдығына орай ұйымдастырылды. Биылғы жылғы тамыздың 10-ында басталған шара аясында әлеуметтік, мәдени шаралар, Қазақстанның жиырма жылдағы жетістіктері және Ұлт көшбасшысы Нұрсұлтан Назарбаевтың сындарлы саясаты туралы ақпараттық насихаттық бағдарлама енгізілді.

Сапар аясында тәжірибелі мамандар жергілікті тұрғындарға әлеуметтік, құқықтық, қаржы мәселесі тұрғысында ақыл кеңестер берді. «НұрОтан» ХДП қоғамдық қабылдау мүшелері жергілікті халықтың түрлі мәселелерін шешуге көмек берді. Станциялар мен жол айырықтарында кардиолог, эндокринолог, гинеколог, хирургтер білікті маман дәрігерлер емдеу сауықтыру шараларын өткізді. Сахна шеберлері, мәдениет, спорт қайраткерлері, әртістер мыңдаған адамдардың көңілін көтеріп тастады.

«Саламатты Қазақстан» пойызы Мемлекет Басшысы Нұрсұлтан Назарбаевтың Қазақстан халқына «Болашақтың іргесін бірге қалаймыз!» атты Жолдауындағы тапсырмасы бойынша ұйымдастырылды. Жылжымалы құрам 2011 жылғы қыркүйектің 26-сында жолға шықты. Бұл «НұрОтан» ХДП, ҚР ТЖМ мен «ҚТЖ» ҰК» АҚ 2010 жылдан бері ұйымдастырыл келе жатқан «Денсаулық» пойызының үшінші жобасы.

«Саламатты Қазақстан» пойызы осы бағдарында қыркүйектің 26-сынан қарашаның 26-сына дейін 30 станцияға тоқтап, 38 мыңнан астам адамға дәрігерлік қызмет көрсетті. «Денсаулық», «Жәрдем», «Саламатты Қазақстан» медициналық пойыздары 2010 жылдан бері 207 станцияны аралап қызмет көрсетті.

Пойыздарды күтіп алу салтанатында сөз сөйлеген «НұрОтан» ХДП Саяси кеңесінің мүшесі, Орталық аппарат жетекшісінің орынбасары Мұхтар Ерман жылжымалы құрамның тоқтаусыз қызмет атқаруына барлық жағдай туғызған теміржолшыларға алғысын білдірді. «Темір жол көлігі мемлекеттік міндеттерді атқарумен қатар, халықтың әлеуметтік жағдайына да мүлтіксіз қызмет етеді. Барлық станция басшылары, машинистер, диспетчерлер, жолшылардың арқасында жоба өз мәресіне жетті» деп атап өтті ол.

«ҚТЖ» ҰК» АҚ Баспасөз қызметі






«Қорғас» – Шығыс қақпасы» АЭА тұсаукесері

«Қазақстан темір жолы» ҰК» АҚ вице президенті Ерхат Есқалиевтің төрағалығымен «Қорғас» – Шығыс қақпасы» АЭА жобасын жүзеге асыру тұрғысындағы семинар кеңес өткізілді.

Кеңеске мемлекеттік органдар мен ұлттық компаниялар, әлеуметтік- кәсіпкерлік корпорациялар, қауымдастықтар мен қоғамдық бірлестіктердің, көліктік компаниялардың өкілдері қатысты. Шара барысында «Қорғас» – Шығыс қақпасы» АЭА тұсаукесері өткізіліп, жобаға тұрақты қатысушыларды ресімдеу, АЭА кедендік, салықтық реттеу жолдары қарастырылды.

«Қорғас» – Шығыс қақпасы» АЭА Алматы облысының Панфилов ауданы аумағындағы 5740 гектар жерді алады.

Жобаны жүзеге асырудағы мақсат алдымен экспортқа бағытталған, жоғары технологияларды игерген, бәсекеге барынша қабілетті кәсіпорындар құруға инвестиция тарту, көліктік-логистикалық саланы дамыту, Қазақстанның Еуропа-Қытай бағдарындағы транзиттік әлеуетін ұлғайтуды көздейді.

АЭА құрамына «Қорғас» Халықаралық шекаралық ынтымақтастығы орталығы, келісім шарт жасау аумағы (526 га), құрғақ жүк айлағы, көліктік-логистикалық кешен, индустриалдық аймақ, өндірістік кәсіпорындар кешені кіреді. Қолайлы географиялық ахуал, өндірістік кластер әлеуетін жасақтау мүмкіндігі халықаралық ынтымақтастықтың өрістеуіне жол ашады.

Кеңесте айтылғандай, АЭА басымдықты тұстары сонда ол Елбасы талабына орай ұзақ жылдарға арналған экономикалық таспырмаларды сапалы әрі тиімді шешуге мүмкіндік әпереді.

«ҰКЛДО» Бұқарамен байланыс бөлімі

87172 611 733, 611 732






«ҚТЖ» бастауыш партия ұйымы «Үлгі тұтатын ұйым» атанды

«НұрОтан» ХДП Сарыарқа аудандық филиалы Астанадағы Өнер академиясында 2011 жылғы бастауыш партия ұйымдарының арасында жарыс қорытындысын шығарды.

Жарыс қорытындысы бойынша Сарыарқа ауданындағы 106 кәсіпорын мен мекемелердің бастауыш ұйымдарының арасында ұйымдастырушылық белсенділігі жоғары ұйым ретінде «Қазақстан темір жолы» ҰК» АҚ бастауыш партия ұйымына «Үлгі тұтатын ұйым» атты арнайы диплом мен кубогі тапсырылды.

«ҚТЖ» ҰК» АҚ Персоналды басқару және кадр мәселесі жөніндегі вице-президент, Бастауыш партия ұйымының төрағасы Асхат Акчурин бастауыш партия ұйымы бюро мүшелерін Қазақстан Тәуелсіздігінің 20 жылдығы мен «НұрОтан» ХДП 14 төтенше сьезі қарсаңындағы жаңа табыстарымен құттықтады.

Айта кету керек, «ҚТЖ» ҰК» АҚ бастауыш партия ұйымы соңғы екі жыл бойы Астана бойынша қатарынан «Ауыспалы вымпелді» иемденіп келсе, биылғы жылы ерекше сыйлық алды.

Қарашаның 25-інде Астанада өткізілетін «НұрОтан» ХДП кезектен тыс 14-ші сьезіне «Қазақстан темір жолы» ҰК» АҚ бастауыш ұйымынан төрт адам делегат болып отыр. Олар «ҚТЖ» ҰК» АҚ президенті Асқар Мамин, «ҚТЖ» ҰК» АҚ вице президенті, Бастауыш партия ұйымының төрағасы Асхат Акчурин, «ҚТЖ» ҰК» АҚ филиалы –Жамбыл жол бөлімшесінің директоры Талғат Құлжабаев, «ҚТЖ» ҰК» АҚ филиалы –Батыс Қазақстан облыстық жол бөлімшесінің директоры Сергей Қабдешев.

Отырыс соңында Бастауыш партия ұйымының төрағасы әріптестеріне бұл табысқа тоқмейілсімей, бұдан да биік белестерді бағындыра беруіне тілектестік білдірді.

«ҚТЖ» ҰК» АҚ Баспасөз қызметі






Локомотив құрастыру зауыты қоныс тойын жасауда

Қазақстан Тәуелсіздігінің 20 жылдығы қарсаңында «ҚТЖ» ҰК» АҚ филиалы – «Локомотив құрастыру зауыты» АҚ-ында еңбеккерлер қоныс тойын жасауда.

Зауыттың жалпы жиналысында ҚР теміржолшылары кәсіподағының төрағасы Оразғали Ахметбаев, «Локомотив құрастыру зауыты» АҚ президенті Марат Тілеубаев, «ЛҚЗ» АҚ әлеуметтік мәселелер жөніндегі комиссиясының төрағасы, Экономика және қаржы жөніндегі вице-президенті Расул Қизатов кәсіпорынның 20 еңбеккеріне елордасындағы «Жарқын» тұрғын үй кешенінен пәтер кілтін табыс етті.

Марат Тілеубаев зауыт жұмысшыларын құттықтай келіп, биылғы жылы «Локомотив құрастыру зауыты» АҚ еңбекерлерінің тұрғын үй жағдайын жақсарту бағдарламасына 200 миллион теңге бөлінгендігін, оған 12 бір бөлмелі, сегіз екі бөлмелі пәтер сатып алынғандығын хабарлады.

Қызметтік пәтер алуға әрбір жұмысшы тілек білдіргенімен оны зауыттың арнайы құрылған комиссиясы шешетін болады. Қазіргі таңда комиссия жұмысшылар үшін пәтерлерді жеңілдікпен сатып алудың мүмкіндіктерін қарастыруда.

«ҚТЖ» ҰК» АҚ  Баспасөз қызметі






Болашаққа отандық рельспен

Қарағанды қаласында «Қазақстан темір жолы» ҰК» АҚ мен «Арселор Миттал Теміртау» АҚ арасында рельс пен сортты прокат шығаратын бірлескен кәсіпорын құру туралы Меморандумға Елбасы Н.Ә. Назарбаевтың Қарағанды облысына екі күндік жұмыс сапары барысында қол қойылды.

Ел Президентінің қатысуымен Меморандумға «Қазақстан темір жолы» ҰК» АҚ басшысы Асқар Мамин мен «Арселор Миттал Теміртау» АҚ Бас директоры Виджай Махадеван қол қойды.

Кәсіпорын Р-65 типіндегі қазіргі заманғы теміржол жұмысына ең ыңғайлы рельстерді шығаруға бейімделеді. Бірлескен кәсіпорын «Арселлор Миттал Теміртау» базасында орналасатын болады. «ҚТЖ» ҰК» АҚ қаржылай қатысуы өз қаражатын жұмсай отырып жобаның жалпы құнының 50 ℅-на тең.

Техникалық-экономикалық негіздемеге сәйкес бірлескен кәсіпорынның өндірістік қуаттылығы жылына 400 000 т. металл өнімдерін, оның ішінде «В» типіндегі Р-65 маркалы рельстерін жылына 200 000 т. және дәл сол көлемдегі сортты прокат құрайды. Атап өтер болсақ, республикамыздың магистральды теміржол торабының өкілетті органы ретінде ҚТЖ-ның рельс өнімдеріне жылдық сұранысы - 100 000 т., сортты прокат өндірісінде 20 000 тонна. Сондықтан болашақта кәсіпорынның шығаратын өнімін экспорттауға мүмкіндік туады.

Қазақстандық маркалы рельсілер нарықтағы баламалы тауарға шын бәсекелестік тудырады деп күтілуде, себебі шикізат көздері жақын орналасқандықтан бағасы да арзанырақ болады. Сарапшылардың пікірінше, қарағандылық өнімдердің болжамды сатып алушылары – ТМД елдерінің бірқатарының теміржол рельстерін ауыстыруға сұранысы жоғары.

Қол жеткізген уағдаластыққа сәйкес, кәсіпорын 2013 жылдың аяғына қарай пайдалануға берілмек. Болат құю, прокат және қосалқы цехтар өндірістің негізі болады.

Меморандумға қол қою «ҚТЖ» ҰК» АҚ мен оның стратегиялық серіктерінің президенттік жедел индустриалды-инновациялық даму бағдарламасына белсенді қатысуын көрсететін оқиғалардың ішінде аса ерекше мәнге ие. Қарағанды облысында отандық шикізатты терең өңдеу мен нарыққа дайын өнім шығаратын тұйық цикл пайда болмақ.

Қарағанды облысына жұмыс сапары барысында Н.А. Назарбаев Қазақстан экономикасының индустриалды жолға қайта бағыт алуының стратегиялық маңызын атап өтті. «Біз өзге елдерге тек шикізат экспорттайтын мемлекет болып қала алмаймыз», - деп атап өтті Н. Назарбаев, – Еліміздің жедел индустриалды-инновациялық даму бағдарламасы мемлекетті құраумен тепе-тең. Индустриализация – бұл біздің тәуелсіздік жылдарындағы ең маңызды жұмысымыз».

«ҚТЖ» ҰК» АҚ баспасөз қызметі






Fitch ҚТЖ рейтингін «жағымды» деп өзгертіп, "BBB-" деңгейін белгіледі

Fitch халықаралық рейтингілік агенттігі «Қазақстан темір жолының» ұзақ мерзімдік дағдарыстық эмитентін (РДЭ) шетелдік валютаға шаққандағы деңгейін "ВВВ-", сондай –ақ «қалыпты» деңгейін «жағымды» болжамына бекітті.

Рейтингілік агенттік Қазақстанның ұзақмерзімдік дағдарыстық эмитетінтін шетелдік валютаға шаққандағы деңгейін

"BBB-" тен "BBB" ға көтерсе, ұлттық валютаның ұзақмерзімдік дағдарыстық эмитентін "BBB" дан "BBB+" ке көтерді.






Syndicate content

«ҚТЖ» ҰК» АҚ трансформациясы
«ҚТЖ» ҰК» АҚ трансформациясы
«ҚТЖ» ҰК» АҚ приватизациясы
«ҚТЖ» ҰК» АҚ приватизациясы
© АО «НК «Қазақстан темір жолы»
Политика информационной безопасности
Ваш отзыв очень важен для нас
Оценка дизайна web-сайта