Слайд



Жолаушылар Жүк жөнелтушілер

Онлайн билет сатып алу

Тізімінен станцияны таңдаңыз, содан кейін станцияның атын теруді бастаңыз

Пресс-релизы

Кәсіби шеберліктің айқын дәлелі

«Қазақстан темір жолы» ҰК» АҚ 6 қызметкері сыртқы экономикалық қызмет маманының сертификатын иеленді. Сәйкестік сертификаты Мәскеу қаласында 2012 жылдың маусым айында Ресей ғылым академиясы Экономикалық стратегия институты өткізген білім беру семинары нәтижесінде берілді.

«Экономика мен сауданы реттеу. Белорусь Республикасы, Қазақстан Республикасы мен Ресей Федерациясы Кеден Одағындағы құқық қолдану тәжірибесі мен заңнамасы: Еуразиялық экономикалық одаққа өтуге байланысты өзгерістер мен қазіргі жағдайы» атты сертификациялық семинар екі кезеңмен өтті: 2012 жылдың 12-14 сәуір аралығы және маусымның 7-9 аралығы. Семинар ұйымдастырушылары: Кедендік Одақ комиссиясы, Ресей ғылым академиясы жанындағы Экономикалық стратегия институты мен Экологиялық-саяси халықаралық тәуелсіз университеті.

Кедендік Одақ пен Бірыңғай экономикалық кеңістіктің құқықтық негізін қалауға атсалысқан сарапшылар семинардың оқу курсын Ресей ғылым академиясының академигі, Кеден Одағы Комиссиясының жауапты хатшысы Сергей Глазьевтің басшылығымен жасады.

Үш күн ішінде «ҚТЖ» ҰК» АҚ Құқықтық қамтамасыз ету мен Интеграциялық саясат департаменттерінің қызметкерлері ресейлік және белорусь көліктік-логистикалық компаниялары, кәсіпорындары мен бизнес құрылымдарының өкілдерімен бірге Кедендік Одақ пен Бірыңғай экономикалық кеңістік заңнамасын талқылап, Ресейдің ДСҰ-ға кіруіне байланысты жағдайдың өзгеру мүмкіндігін талқылады.






DHL-мен бірге логистикалық инновациялық жобаларды жүзеге асыру

«Қазақстан темір жолы» ҰК» АҚ мен «DHL Логистика» ЖАҚ көлік саласында бірлескен жобаларды жүзеге асыру мақсатында ынтымақтастық туралы меморандумға қол қойды.

Deutsche Post DHL әлемдік логистикалық корпорациясының құрамына енетін DHL-мен қарым-қатынас «Ғаламдық серіктес» жобасы аясында орнатылған. Компанияның нарықта сұранысқа ие экологиялық қауіпсіз өнімдерін шығаратын инновациялық орталығы бар.

Екіжақты меморандум нәтижесінде ҚТЖ мен DHL бірнеше бағыттағы келісімге қол жеткізді. Біріншіден, DHL-дің «Қорғас – Шығыс қақпасы» АЭА дамуына қатысуы. Екіншіден, логистикалық бизнесті жүргізуде тәжірибе алмасу, Supply Chain Management пен логистикалық шешім шығаруда кеңес беру.

Келісім мақсаты – екі жақтың Қазақстанның көліктік-логистикалық секторында қызмет көрсету мәселелерінде ынтымақтастықты дамыту.

«ҚТЖ» ҰК» АҚ вице-президенті Ерхат Есқалиевтің айтуынша, DHL-мен ынтымақтастық аясында иннофациялық технология трансфері тасымалдау кезінде бәсекеге қабілетті жылдамдықты тудырып, шекара өту кезінже қызмет сапасын жақсарта түседі.

Болашақта тараптар DHL-дың «ҚТЖ»ҰК» АҚ-ның 7 көліктік-логистикалық орталықтарын құруға қатысу мүмкіндігін қарастыруға келісті.

«ҚТЖ» ҰК» АҚ баспасөз қызметі






«Мөлдір бұлақ» әрекет етуде

Павлодар облысында 2012-2016 жж. «Мөлдір бұлақ» бағдарламасының жүзеге асырылуына арналған өндірістік семинар өтті. «Теміржолсу» АҚ ұйымдастырған бұл шараға «ҚТЖ» ҰК» АҚ өкілдері, Павлодар облысының басшылары және республика мен облыс СЭС мамандары қатысты.

Семинардың 2 күні ішінде қатысушылар аймақтың сумен қамту объектілерін аралады: сукернеуіш мұнара, сүзгіш стансалар, тұщыландырушы қондырғылар және Павлодар облысы стансаларындағы өзге де объектілер. Олардың арасында Үленті, Екібастұз, Павлодар стансалары және «Богатырь» көмір разрезі бар.

Бұл объектілердің барлығы Қазақстан Республикасы Президентінің Жолдауын іске асыру мақсатында және Қазақстанның 2020 жылға дейінгі даму стратегиялық жоспарына сәйкес «ҚТЖ» ҰК» АҚ 2012-2016 жылдарға қабылдаған «Мөлдір бұлақ» бағдарламасына енген.

Бағдарлама шаралары ХХ ғасырдың 30-60 жж. салынған сумен қамту және кәріз объектілерін жаңартуға бағытталған. Кешенді жөндеу жұмыстары жүргізілмегендіктен, объектілер ескіріп, негізгі құралдардың 65 %-нан астамы тозған. Бағдарламаның өзге де міндеттері мыналар: су шаруашылығы секторының инвестициялық тартымдылығын арттыру, тасымалдау кезінде судың өнімсіз шығын деңгейін төмендету, кәсіпорындар мен темір жол қызметкерлерін сумен қамту үшін жер асты суын барынша көбірек пайдалану, тұтынушылардың 100%-ын суды есептеу құралдарымен қамтамасыз ету.






Өзекті мәселелерге арналған дөңгелек үстел

(ҚХР) Шаңхайда маусымның 6-сында  «Transport Logistic China 2012» көрме аясында «ҚТЖ» ҰК» АҚ мен Қазақстан Республикасының Шаңхайдағы Бас консулдығы бірлесіп «Қазақстан Республикасы көліктік-логистикалық жүйесі мен әлеуетін дамыту» деген тақырыпта дөңгелек үстел отырысын өткізді.

Аталмыш шараға Қытай мен көршілес Ресей, Өзбекстан, Белоруссияның ірі көлік компаниялары қатысты. Оның ішінде Shanghai Tieyang Multimodal Transportation, China Arts Intertrans, Anhui Jianghuai Automobile, CRIMT, СRCT, Sinotrans, China Shipping, Chinamult-Trans, Shanghai International Port, Guangzhou Caspian Sea Logistics, Beijing AWA International Logistic & Trading, Jade Weser Port, Lyanyungang China Shipping Container Line секілді алпауыт компаниялар бар.

Сондай-ақ, Қазақстан аумағы арқылы транзиттік тасымалды жүзеге асыруға көршілес Ресей, Өзбекстан, Белоруссия өкілдері мен бас консулдықтары қызығушылық танытып отыр.

Дөңгелек үстел отырысы барысында: «Көліктік логистикадағы өзара тиімді серіктестікті дамыту туралы», «Достық мемлекеттік  шекаралық бекеті арқылы тасымалдау», «Қорғас Шығыс қақпасы   сауда-логистикалық іскерлік хабының болашағы» секцияларында отырыстар өткізілді. Шараға қатысушылар «ҚТЖ» ҰК» АҚ жұмыс барысы мен әлемдік деңгейдегі көліктік –логистикалық компания құру, ірі инфрақұрылымдық және инновациялық жобалармен танысты.






Қытай кәсіпкерлеріне Қазақстанның транзиттік мүмкіндіктері таныстырылды

Кездесуді «Қазақстан темір жолы» ұлттық компаниясы ұйымдастырып, қытайлық жүк тасымалдаушылардың алдында ҚТЖ басшылығы, «Кедентрассервис», «Қазтранссервис», «Қорғас» ШЫХО АҚ менеджерлері сөз сөйледі.

Аудитория баяндамаларға ерекше қызығушылық танытты. China Shipping, COSCO, Sinotrans және Қытайдың басқа да көліктік-логистикалық компаниялары өздерін мазалаған сауалдарын қойды.

Қытай кәсіпкерлері Шеньжень қаласынан Алматыға теміржол арқылы тұрақты жүк тасымалын ұйымдастыру мүмкіндігін сұрады. Қазақ теміржолшылары атап өткендей,  жаңа бағыт бойынша тасымал жүргізу екі жақ вагон мен контейнерлеріндегі жүктің аз-көптігіне тікелей байланысты.

Сондай-ақ Достық стансасындағы асқынжүк жұмыстарын жүргізу тәртібі сөз етілді. Қытай жүк тасымалдаушылары кең жолтабанға асқынжүк мәселелеріне баса назар аударды. «Кедентрассервис» АҚ өкілдері тасымалдаушыларды жүк көлемін 120 куб.ш.-дан асырмауды, тауар түрі мен қаптамасын ескеруді алдын ала хабарландыратынын түсіндірді.

Бұл шара екіжақты көлік-экономикалық қатынастар тарихында тұңғыш рет орын алып жатқан жоқ. Қазақстан Республикасының транзиттік әлеуетін таныстыру биылғы жылы Үрімші қаласында өтіп, ҚХР Шыңжаң ұйғыр автономиялық округінде «Кедентрассервис» АҚ өкілдігінің ашылуына орайластырылған болатын. Ал 2010 жылы Қазақстан мүмкіндіктерін таныстыру күні Шанхай қаласында өткен.

«Кедентранссервис» АҚ баспасөз қызметі

«ҚТЖ» ҰК» АҚ баспасөз қызметі






Станса тұрғындары таза суға қол жеткізеді

2012-2016 жж. «Мөлдір бұлақ» бағдарламасының жүзеге асыруға арналған екі күндік өндірістік семинар Павлодар облысындағы стансаларды сумен қамту мәселелеріне арналған.

Семинар барысында «ҚТЖ» ҰК» АҚ өкілдері, Павлодар облысының басшылары және республика мен облыс СЭС мамандары аймақтың сумен қамту объектілерін аралайды: Олардың арасында Үленті, Екібастұз, Павлодар стансалары бар. Қатысушылар су инфрақұрылымының жағдайын бағалап, бағдарламаны жүзеге асырудың нақты қадамдарын талқылайды.

«Мөлдір бұлақ» бағдарламасының әлеуметтік маңызы зор. Президентінің Жолдауын іске асыру мақсатында ҚТЖ-да қабылданған бұл құжат темір жол қызметкерлерін сумен қамту, су шаруашылығы секторының инвестициялық тартымдылығын арттыру, тасымалдау кезінде судың өнімсіз шығын деңгейін төмендету сияқты нақты шараларды қамтиды.

«Қазақстан темір жолы» ҰК» АҚ баспасөз қызметі






Жастардың патриоттық флешмобы

Қазақстан Республикасы мемлекеттік рәміздерінің 20 жылдығына орай Бурабайда инновациялық білім беру тренингтеріне қатысқан «ҚТЖ» ҰК» АҚ жас мамандары «Менің Отаным - Қазақстан» атты патриоттық флешмобын өткізді.

Қарағанды, Семей, Защита және Шығыс Қазақстан темір жол торабынан жиналған 120 қатысушы Қазақстан Республикасының мемлекеттік әнұранын қолға көк байрақ ұстаған күйде орындап, аспанға әуе шарын ұшырды.

ҚТЖ-ның әлеуметтік мәселелер басқармасы ұйымдастырып, салалық кәсіподақ қолдаған бұл шара темір жол жастарының патриоттық рухын көтеріп, олардың мемлекеттік рәміздерге деген құрметін тағы бір дәлелдеді.

«ҚТЖ» ҰК» АҚ баспасөз қызметі

 






Қазақстан мен Ресей темір жолдары ынтымақтастықты нығайтуда

Кеден Одағы мен Бірыңғай экономикалық кеңістік жағдайында темір жол көлігінің қызмет етуі, оның әсер ету саласын кеңейту, тарифтерді біркелкілендіру және тағы басқа мәселелер «РЖД» ААҚ президенті Владимир Якуниннің Қазақстанға сапары барысында талқыланды.

Қазақстан Президенті Нұрсұлтан Назарбаев Ресей темір жолдарының басшысын Ақордада қабылдады.

Қазақстан Премьер-министрі Кәрім Мәсімовпен келіссөз жүргізілді. Владимир Якунин ҚТЖ-ның бас ғимаратында компания президенті Асқар Маминмен де кездесті.

Кездесу барысында Қазақстан мен Ресей арасында теміржол көлігі тасымалының өскені сөз етілді. 2011 жылдың қорытындысы бойынша жүк тасымалдау көлемі 100 миллион тоннадан асты. Әсіресе Қазақстан мен Ресей территориясынан өтетін транзиттік жүктің өсімі ерекше байқалған. Екі ел темір жол әкімшіліктерінің Кеден Одағы шеңберіндегі бірлескен іс-әрекетінің нәтижесінде аталмыш транзит 1,5 есеге өскен. Интеграциялық үдеріс аясында РЖД мен ҚТЖ-ның бірлескен кәсіпорны – «Кедентранссервис» АҚ жүкті терминалды өңдеу көліктік қызметін кеңейтіп, жылжымалы құрам жұмысының тиімділігін арттырды.

Асқар Мамин Қазақстанда іскерлік және көліктік-логистикалық хабын құру туралы ақпарат беріп, ҚТЖ негізінде көліктің барлық түрлері арқылы тасымалдаумен айналысатын халықаралық деңгейдегі көліктік-логистикалық компанияны құру жұмысы туралы айтып өтті. Осы орайда халықаралық көлік дәлізінің өн бойында созылып жатқан темір жолдардың бірігіп жұмыс жасауының маңызы зор.

Сапар барысында қол жеткізген уағдаластық ықпалдастық заманындағы Қазақстан мен Ресей темір жолдарының жұмысына серпін беріп, екі елдің экономикасына, 1520 кеңістігіндегі барлық елдер мүддесіне қызмет етеді.

«ҚТЖ» ҰК» АҚ баспасөз қызметі






Жаңа электровозға халықаралық несие

100% акциясын «Қазақстан темір жолы» Ұлттық Компаниясы» АҚ (ҚТЖ) иеленетін «Локомотив» АҚ COFACE Француз Экспорттық Несиелік Агенттігінің кепілдігімен қарыз қаражатының көзін тапты. Қаржы Қазақстанда «Альстом» компаниясының технологиясы мен құрал-жабдығын пайдаланып шығаратын электровоздарды сатып алуға арналады.

Үстіміздегі жылдың 31 мамырында қол қойылған Несиелік Шекті Келісімге сәйкес қаржыландыру сомасы 800 миллионнан астам еуроны құрайды. Қаражат бірнеше жыл ішінде жекелеген транш арқылы беріледі.

COFACE Француз Экспорттық Несиелік Агенттігімен жасасқан шарт - Қазақстанның темір жол саласындағы алғашқысы. Несиелік келісімге қол қою - ҚТЖ-ның темір жол саласын дамыту және ондағы қазақстандық үлесті арттыру жолындағы маңызды қадам. Несиені HSBC тобы және оның Қазақстан, Франция, Англия елдеріндегі кеңселерінің қолғабыс болуымен алып берді. Бірінші траншты қаржыландыруға Citibank пен BTMU да қатысады.

«Электровоз өндірісін ұйымдастыру» жобасы ҚР Президентінің 2010 жылдың 19 наурызында №958-жарлығымен бекітілген 2010-2014 жж. арналған Үдемелі индустриалды-инновациялық даму мемлекеттік бағдарламасына және ҚР Үкіметі 2010 жылдың 14 сәуірінде №303-қаулысымен бекіткен ҚР 2010-2014 жж. арналған индустрияландыру картасына кіреді.

«Қазақстан темір жолы» ҰК» АҚ баспасөз қызметі

 






Жас бүлдіршіндер мерекесі

1 маусым – Балаларды қорғау халықаралық күніне орай «ҚТЖ» ҰК» АҚ орталық аппаратында қызметкерлердің балалары мен немерелері үшін қызықты қойылым өтті. Жас балалар кемпірқосақтың 7 түрлі түсіне виртуалды саяхат жасап, танымдық кеште бишілердің, сиқыршы, хайуанаттарды жаттықтырушылардың өнерін тамсана тамашалады.

Жыл сайын 1 маусым күні теміржолшылардың кеңсесі жас бүлдіршіндерге есігін айқара ашуды дәстүрге айналдырған. Компания қызметкерлерінің балалары қызықты шоуды тамашалап қана қоймай, ата-аналарының жұмыс орнымен танысып, темір жол мұражайын көре алады. Болашақта көбісіне бұл жағдай дұрыс мамандық таңдауға көмектесері хақ. Себебі теміржолшы отбасыларында бұл мамандық – атадан-балаға беріліп келе жатқан ата кәсіп.

Компанияның әлеуметтік жұмыс жөніндегі басқармасы әр балаға естелік болып қалатын сыйлық тартуды ұмытқан жоқ. Жас бүлдіршіндердің алып ғимаратқа қонақ болып келуі күнделікті күйбең тіршілікпен жұмысбасты болған қызметкерлерге ерекше қуаныш сыйлады.

«КТЖ» ҰК» АҚ баспасөз қызметі






Syndicate content

«ҚТЖ» ҰК» АҚ трансформациясы
«ҚТЖ» ҰК» АҚ трансформациясы
«ҚТЖ» ҰК» АҚ приватизациясы
«ҚТЖ» ҰК» АҚ приватизациясы
© АО «НК «Қазақстан темір жолы»
Политика информационной безопасности
Ваш отзыв очень важен для нас
Оценка дизайна web-сайта