Слайд



Жолаушылар Жүк жөнелтушілер

Онлайн билет сатып алу

Тізімінен станцияны таңдаңыз, содан кейін станцияның атын теруді бастаңыз

Пресс-релизы

Қазақстандық үлесті арттыра отырып

«Қазақстан темір жолы» ҰК» АҚ 2015 жылға дейін отандық тауар өндірушілермен ұзақ мерзімді келісім-шарт жасасады. ҚТЖ филиалы – «Магистральді желі дирекциясында» өткен дөңгелек үстел барысында компания сатып алып отырған тауар мен қызмет түрлеріндегі қазақстандық үлесті арттыру мәселесі сөз болды.

Аталмыш шараға қазақстандық тауар өндірушілер, кәсіпкерлер, «НұрОтан» ХДП өкілдері, «Атамекен Отағы» ТЭП пен компания қызметкерлері қатысты.

«ҚТЖ»ҰК» АҚ филиалы- «Магистральді желі дирекциясының» қамсыздандыру жөніндегі атқарушы директоры Жеңіс Ескенеевтің сөзіне сүйенсек, компанияда «Қазақстан темір жолы» Ұлттық Компаниясы» Акционерлік Қоғамы мен оның еншілес компанияларына сатып алынатын барлық қажетті тауар мен материалдық құндылықтардағы қазақстандық үлесті арттырудың 2009-2015 жж. бағдарламасы қабылданды». Бұл құжатқа сәйкес компания жыл сайын сатып алудағы қазақстандық үлесті арттырып, Қазақстан Республикасының өндірістік және экспорттық әлеуетін арттырып отыр.



- Егер де 2009 жылы отандық тауар өндірушілердің сатып алу жоспарының сомасы 43 млрд. 399 млн. теңгені құраса, 2011 жылы бұл көрсеткіш 62 млрд.. 878 млн. теңгеге өсті. Яғни 2011 жылдың жалпы сомасының 53 %, - деп атап өтті Жеңіс Ескенеев.

2012 жылы компания Басқармасы отандық тауар өндірушілерден ұзақ мерзімді негізде 2012-2015 жылдары 76 млрд. 218 млн. теңгеге сатып алатын тауар тізімін бекітті. Бұл отандық кәсіпорындардағы өндірістік тұрақтылыққа және жалпы дамуда бірнеше жылға алға озуға септігін тигізбек.

Бүгінгі таңда Магистральді желі дирекциясы бағыттамалық, рельс және бекітпелердің кейбір түрлерінен басқа жолдың жоғарғы құрылысының материалдарын, арнайы киім мен тоқыма матаның барлығын тек қана отандық тауар өндірушілерден сатып алады.  

ҚТЖ мен Қазақстан үшін рельс жасау өндірісі стратегиялық мақсатқа ие. Осыған орай 2011 жылы Елбасының Қарағанды облысына іссапары кезінде Компания мен «Арселор Миттал Теміртау» АҚ арасында Қарағандыда рельс және сорттық құйма шығаратын бірлескен кәсіпорын құру туралы Меморандумға қол қойылған еді. Зауыт 2014 жылы іске қосылады.

ҚТЖ филиалы – «Импорт алмастырудың жаңа өндірісін дамыту орталығының» директор орынбасары Айдос Оңғарбековтың айтуынша, ұлттық компания 2015 жылға дейін темір жол өнімінің 5 200 данасын Қазақстанда өндіруді қолға алуы керек. Қазірдің өзінде 60-тан астам кәсіпорын 30 млрд. теңгеден астам сомаға теміржол өнімінің 3 563 түрін шығаруда.

Сонымен қатар тендерлік құжаттама, ҚТЖ-ның отандық тауарларға қоятын талабы жайлы мәселелер дөңгелек үстелге арқау болды.

Шара қорытындысы ретінде ҚТЖ филиалы – «Магистральді желі дирекциясы» мен қазақстандық тауар өндірушілер арасында өзара ынтымақтастық туралы меморандумға қол қойылды.

«ҚТЖ» ҰК» АҚ баспасөз қызметі






Бас директорлар Конференцияға қатысты

 Бүгін Таллин қаласында (Эстония Республикасы) Темір жол ынтымақтастығы ұйымының (ТЖЫҰ) Бас директорлары (жауапты өкілдері) және "Қазақстан темір жолы" ҰК" АҚ қатысқан ХХІІ Конференциясының Пленарлық отырысы басталды.

 «Эстон темір жолы» АҚ бас директоры- Басқарма Төрағасы Кайдо Симмерманн  отырысты ашты. Ол ТЖЫҰ темір жолдарына аталмыш шара мен онда қабылданатын шешімдердің маңыздылығын атап өтті.



 Делегация басшыларының кездесуі мен Конференцияның Пленарлық отырысында Эстония Республикасы Экономика және коммуникация министрлігінің канцлері Ееро Пяргмяэ сөз сөйледі.

 Конференция жұмысына Қазақстан, Әзірбайжан, Белорусь, Болгария, Въетнам, ҚХР, КХДР, Латвия, Литва, Молдова, Монғолия, Польша, Ресей, Словакия, Румыния, Тәжікстан, Өзбекстан, Украина, Чехия эәне Эстония елдерінің темір жолдары әкімшіліктерінің жауапты өкілдері мен Бас директорлары қатысты.

«Қазақстан темір жолы» ҰК» АҚ делегациясын вице-президент Ермек Қизатов бастады.

Отырыста Еуразиялық теміржол кеңістігіндегі халықаралық бағытта қатынайтын жолаушы және жүк тасымалын ұйымдастыруды жетілдіру мәселелері қарастырылып жатыр. Барлық мәселелер оң шешімін тапты.

  Пленарлық отырыстың қорытындысы ретінде ТЖЫҰ бас директорлары конференциясы XXVII отырысының хаттамасына қол қойылды.  

ТЖЫҰ темір жолы Бас директорлары (жауапты өкілдерінің) конференциясының келесі  XXVIIІ отырысы  "Укрзалиныця" Украинаның теміржол көлігі мемлекеттік әкімшілігінің шақыруымен 2013 жылдың 22-26 сәуірінде Украинада өтпек.

«КТЖ» ҰК» АҚ баспасөз қызметі

 






Өрт қауіпсіздігі оқуы

«Қамқор Менеджмент» ЖШС басшылығының Қызылорда облысына жұмыс сапары барысында «Қамқор Вагон» ЖШС-інің «Қазалы вагон жөндеу депосы» филиалында өрт қауіпсіздігі оқулары өткізілді.

Өрт сөндіру жоспарына сәйкес жабық вагон ішінде өрт жағдайы қолдан жасалды. Депо жұмысшылары нұсқауға сәйкес қимылдап, «өрт дабылын» қағып, аудандық және теміржол өрт қызметін, зардап шеккен жандар бар болғандықтан жедел жәрдем қызметін шақырды. Депо жұмысшылары өрт сөндірудің алғашқы құралдарын пайдаланды. Өрт сөндіруге қатыспаған персонал болса, құнды зат пен құжаттарды вагоннан шығарды. Оқиға орын алған жерге ТЖМ өрт есебі мен пойызы келді. Тілсіз жау қас қағым сәтте бағындырылды.  

 



Оқу нәтижесінде өрт сөндіруші штаб құрылып, өткізілген шараға жоғары баға берілді.  

"Қамқор Менеджмент" ЖШС баспасөз қызметі

"ҚТЖ" ҰК» АҚ баспасөз қызметі






ҚТЖ 2011 жылдың қорытындысы бойынша ашық тыңдау өткізді

2012 жылдың 16 сәуірінде «ҚТЖ» ҰК» АҚ-да компанияның 2011 жылдағы өндірістік-қаржы қызметінің қорытындысы және 2012 жылға қойылған негізгі міндеті туралы қоғамдық ашық тыңдауы өтті.

Қоғамдық ашық тыңдауға қызмет тұтынушылары – жүк жөнелтушілер мен қабылдаушылар, экспедиторлық компания өкілдері, қоғамдық бірлестіктер мен ассоциациялар, сонымен қатар әр түрлі мемлекеттік органдар мен ұйымдардың өкілдері: ҚР Парламенті депутаттары, ҚР табиғи монополияларды реттеу агенттігінің, ҚР Көлік және коммуникация министрлігінің, компанияның жалғыз акционері – «Самұрық-Қазына» әл-ауқат қоры мен «НұрОтан» ХДП өкілдері қатысты.

Компания вице-президенті Ермек Қизатов модератор ретінде қатысушыларға үндеу жасады. Оның айтуынша, тұтынушылармен ашық диалог Компанияның жаңа экономикалық жағдайдағы қызмет тиімділігін арттырып, компания мен оның серіктестерінің арасындағы өзара қарым-қатынасын жолға қоюға көмектеседі.

Экономика жөніндегі Басқарушы директор Алмас Лепесбаев компанияның 2011 жылдағы өндірістік-қаржы қызметінің қорытындысы және 2012 жылға қойылған негізгі міндеті туралы баяндама жасады. Ол ашық тыңдау қатысушыларына табиғи монополиялар саласына «ҚТЖ» ҰК» АҚ көрсетіп жатқан магистральді теміржол желісі, кірме жолдар мен электр энергиясын жеткізу мен бөлу қызметі кіретінін еске салып өтті.






ҚТЖ жүк айналымы бойынша жоспарды асыра орындауда

«Қазақстан темір жолы»ҰК» АҚ 2012 жылдың наурыз айында пайдалану қашықтығындағы таза жүк айналымы бойынша жоспарды 13%-ға асыра орындады. Ол 642,63 млн.т.-ш. құрады (тәуліктік орташа мөлшері).

Бұл көрсеткіш 2012 жылдың І тоқсанында жоспардан 18 %-ға асып түсіп, 58 577,2 млн. т-ш. құрады.

2011 жылдың І тоқсанымен салыстырғанда эксплуатациялық жүк айналымы 13%-ға артқан.

«Қазақстан темір жолы»ҰК» АҚ тәуліктік орташа жүк тиеуі 2012 жылы жоспардан 2,6%-ға асып, 718 мың тонна болды.

Жалпы алғанда компанияда 2012 жылдың 3 айында жүкті тиеу жоспардан 2,5 %-ға асып, 1 599, 6 абсолютті мың тоннаны құрап отыр. 2011 жылдың дәл осы кезеңімен салыстырғанда компания бойынша жүк тиелімі 6,5 %-ға өскен.

Эксплуатациялық көрсеткіштердің өсімі тәулігіне жүк тиеуге арналған вагондардың көбеюімен және жүк артылған вагондарды қабылдап алумен байланысты.

Анықтама үшін:

Пайдалану қашықтығындағы таза жүк айналымы (NET FREIGHT TURNOVER) –нақты қашықтықты ескергендегі көліктің жүк тасымалдау жөніндегі жұмысының көрсеткіші. Машинистің бағыт-бағдары мәліметінің -  пойыздың нетто массасын учаскенің эксплуатациялық ұзындығына көбейту негізінде анықталады.


«ҚТЖ» ҰК» АҚ баспасөз қызметі






ЕО өкілдеріне біріккен жоба таныстырылды

Еуропалық Одақ делегациясы, Қазақстандағы Испания Елшілігі мен ҚР СІМ өкілдері Астанадағы Локомотив құрастыру және «Тұлпар-Тальго» зауыттарын аралады.

«Patentes Talgo» испан комнаиясының технологиясымен жолаушы вагондар шығаратын кәсіпорын 1986 жылдан бастап Еуропалық Одақтың мүшесі атанған Испания мен Қазақстан арасындағы экономикалық қатынастарды нығайтып отыр.

 Испания соңғы жылдары өзге де батыс компаниялары сияқты бірлескен кәсіпорын құрып, Қазақстан сынды елдердің индустриалды дамуына ықпал жасап, шетелге өз технологиясы мен тәжірибесін үлгі етуде.  

Еуропалық Одақ өкілдері 2011 жылдың 9 желтоқсанында ашылып, 2012 жылдың 11 сәуірінде өзі құрастырған құрамды сынақтан өткізуге жөнелткен зауыт цехтарын аралады.

Зауыт қонақтары цехтарының жабдықталуы  мен құралдарының жұмысына мән беріп, зауыт жобалары бойынша кеңес беретін, оның жобалық қуаттылығына үлес қосып жатқан испан мамандарымен тілдесті.

Делегацияны бастаған зауыттың бас инженері Олег Русаков Еуропалық Одақ пен Испания өкілдерін «ҚТЖ» ҰК» АҚ жолаушы жылжымалы құрамын жаңарту және қозғалыс жылдамдығын арттыру жоспарымен таныстырды. Оның пікірінше, бұл ретте «Тальго» вагондарының атқарар рөлі ерекше.  

Испан фирмасының пойыздары Қазақстандағы қозғалыс жылдамдығын бұрынғыдан да жеделдете түсуге ықпал жасады. 2003 жылы Астана-Алматы, Алматы-Шымкент арасында «Тальго» жүрдек пойыздары қатынай бастады. Кейіннен Алматыда дәл осы вагондарға техникалық қызмет көрсететін бөлімше құрылысы басталған.

Астанада инвестиция көлемі 80 млн АҚШ долларын құрайтын  ҚТЖ мен «Тальго» зауытының салынуы – үлкен мультипликативті әсері бар ең ірі жоба. Соңғы кезеңде зауыттағы қазақстандық үлестің көлемі құрама бөлшек пен материалдар бойынша 56 %, ал өнімге жұмсалған еңбек күші бойынша 75 % құрайды. Зауытта 366 жаңа жұмыс орны ашылады.

«ҚТЖ» ҰК» АҚ баспасөз қызметі






Қызметкерлердің білімін ұштау – компания дамуының кепілі

«Қазақстан темір жолы» ҰК» АҚ-ның 10 000-ға жуық қызметкерлері 8 жылдың ішінде қосымша білім алады. Бұл – Компанияның 2020 жылға дейін қызметкерлерге білім беру бағдарламасының мақсаты.

ҚТЖ даму стратегиясын 2020 жылға дейін жүзеге асыруға тек техникалық салада ғана емес, басқару саласындағы өз ісін жетік меңгерген мамандар қажет. Өндірісті жаңашаландыру, теміржол көліктерін шығаратын зауыт ашу, тасымалды автоматтандырылған басқаруға көшу – осы және өзге де қазіргі заманғы үдерістер тиімді менеджменттің басқаруында болуы тиіс.

Былтырғы жылдардың оқыту тәжірибесін ескере отырып, 2012-2020 жылдарға арналған жаңа оқу бағдарламасының шеңберінде бірнеше бағытта жоспар құрылған: әлемнің жетекші оқу орындарының оқытушылары мен темір жол сарапшыларын тарта отырып, басшыларға модульді білім беру, шетелге магистратура бағдарламасы бойынша оқуға жіберіп,  тағылымдама, тренингтерге, тілдік курстарға қатыстыру.

Модульді білім беру (әр пән курсы бірнеше күнге созылады) орталық аппарат пен аймақтардағы 3 500 басшыны қамтиды деп жоспарлануда.  2012 жылы маусым мен қыркүйек айларының аралығында компания мен оның филиалдарының басқарушы қызметкерлері, оның ішінде жол бөлімшелері мен магистральдық желі директорлары білім алады. Қыркүйектен қараша айына дейін 50 қызметкерге шетелде тренинг пен тағылымдамалар ұйымдастырылмақ.

Модульді білім беру Астанада жаңа Оқу орталығының ашылған соң жүргізіледі.     Білім берудегі басым бағыттар – стратегиялық менеджмент, тиімділікті басқару, жобалық менеджмент, операциялық менеджмент, көшбасшылық, ұйымдасқан даму, логистика, көліктік құрылыс және т.б.

Сонымен қатар бағдарлама аясында аймақтарды қоса алғанда компания 5 мың қызметкерлерге ағылшын тілі курстары қарастырылған. 2012 жылы Астана, Алматы, Ақтөбе, Шымкент пен Қарағанды қалаларындағы 260 теміржолшы ағылшын тілі курстарына қатысады.  

Магистратурада білім алу үшін конкурстық негізде гранттар бөлінеді.

«ҚТЖ» ҰК» АҚ баспасөз қызметі






Құрметті АСУ ДКР ақпараттық жүйесін пайдаланушылар!

АСУ ДКР-дің жылдам әрі қауіпсіз жұмыс істеуі үшін жасалған АСУ ДКР-дің серверлік алаңын қайта құрудың аяқталуына байланысты 2012 жылдың 7 сәуірінен порталдың  Internet-мекен-жайы (URL) http://ASUDKR.RAILWAYS.KZ деп өзгертіледі.






Украина аумағы арқылы транзиттік тасымалдауда ҚТЖ бірінші орында тұр

Украина 5-ші Ұлттық теңіз рейтингі «Транзиттік өсім» аталымы бойынша 2011 жылдың қорытындысына орай  «ҚТЖ» ҰК» АҚ жеңімпаз атанды. Бұл туралы Одессада 16 аталым бойынша өткізілген  марапаттау салтанатында мәлім болды.

Сала кәсіпорындарының 75 басшысынан құралған сарапшылар тобы аталым жеңімпаздарын анықтады.

2011 жылы Украйна айлағы арқылы транзиттік тасымалдың 71,8 пайызын Ресей иемденсе, 20,2 пайызы Қазақстанның, 5,7 пайызы Белорустың үлесіне тиеді.

Сарапшылар транзиттік тасымалдау бойынша Қазақстанның екінші орында тұрғандығын, өсу динамикасы жөнінен бірінші орында тұрғандығын атап өтті. 2009-2011 жылдары Қазақстандық экспорт 6,35 миллион тоннадан 9,6 миллион тоннаға жеткен. Қазақстанның Украина айлағын пайдалануы экспорттық әлеуетінің зор қарқынмен өсіп келе жатқандығын көрсетеді.

Экономикалық даму және сауда министрлігінің мәліметіне қарағанда, 2011 жылы қазақстандық экспорт 76,3 млрд долларды құраған. Осыдан он жыл бұрын  экспорт 8,6 млрд долларды құраған болатын.

Қазақстандық экспорттаушылар  Италия, Түркия, Бермуд аралдары, Қытай, Греция, Египет, Индия арасындағы сауда байланыстары үшін Украина айлақтарын пайдаланып келеді. Соңғы бес жылда Қазақстанның сыртқы қатынасында Ирак, Сербия, Марокко, Албания, Уганда, Бенин, Мозамбик секілді елдер пайда болды.

Украина айлағы арқылы Қазақстан экспортқа транзиттік тасымалының 83 пайызын мұнай және мұнай өнімдері (Түркия, Италия, Қытай) құрайды. Мұнайдың негізгі бөлігі Одесса порты арқылы өтеді. Ол 2011 жылы 4,8 миллион тоннаны құрады. Феодосий порты арқылы -1,67 млн. тонна болды. Қазақстанның негізгі транзиттік мұнай өнімдері Одесса порты арқылы (1,15 мың тонна) өтеді. Өткен жылы Севостополь балық портынан – 75 мың тонна, Феодосий теңіз портынан – 44 мың тонна өткізілді.

Шетелге бағытталған қазақстандық өнім жөнінен екінші орында химиялық жүктер мен сода. Ол негізінен Бермуд аралдарына Ильич порты арқылы -1,35 млн. тонна  жіберілген.    Үшінші орында қазақстандық көмір. Мариуполь порты арқылы Грецияға 224 мың тонна жіберілген.  Өткен жылы 70 мың тонна қазақстандық астық Египетке шығарылған.






Қазақстанда көліктік-логистикалық Қауымдастық құрылады

Алматыда «KAZLOGISTICS» көліктік-логистикалық қауымдастығын құрушылардың жиналысы болып өтті. Онда ұйымның жарғысы мен құрылтайшы келісім-шарты бекітіліп, Президиум төрағасы сайланып, басқа да заңды мәселелер шешілді.

«KAZLOGISTICS» қауымдастығы Елбасының Қазақстан 2016 жылға қарай аймақтың сауда, логистикалық, іскер хабы ретінде нығаюы туралы қойған тапсырмасы аясында құрылған.

Қабылданған шара әр түрлі көлік субъектілері мүдделерінің тепе-теңдігін сақтауға және мультимодальді көліктік-логистикалық қызмет сапасын арттыруға септігін тигізеді.

«KAZLOGISTICS» көліктік-логистикалық қауымдастығын  құруға ниет туралы меморандумдарға Астана қаласындағы Халықаралық «Жібек жолы-2011» көліктік-логистикалық бизнес-форумы аясында қол қойылды.

Қауымдастықты  құру - мемлекет пен бизнес қауымдастық арасындағы диалог құруға, ҚР территориясындағы барлық көлік ұйымдарының басын қосуға үлес қосады. Кедендік Одақтың құрылуын ескерсек, болашақта бірыңғай экономикалық кеңістік шеңберінде шетелдік серіктестермен ынтымақтастық арта түседі. Нәтижесінде жүк айналымы мен импорттық-экспорттық жеткізілімдердің ұлғаюы, сыртқы экономикалық байланысты қолдау, инвестициялық және инновациялық жобаларды жүзеге асыру, сауда –экономикалық миссияны атқаруға және серіктестікті өзара қолдау жүзеге асырылады.

«Қазақстан темір жолы» ҰК» АҚ, «Ұлттық көліктік логистикалық даму орталығы» АҚ, ҚР Ұлттық экспедиторлары қауымдастығы, Қазақстанның вагон/контейнер операторлары мен тасымалдаушылары қауымдастығы, ҚР халықаралық автомобил тасымалдаушылары ассоциациясы  - қауымдастықтың құрылтайшысы болып табылады.

Қауымдастық жарғысы бойынша қауымдастықтың атқарушы органынының өкілдері мен мүшелерінен тұратын Қауымдастықтың жалпы жиналысы, Қауымдастық Президиумы оның жоғарғы басқару органы болып табылады.

Бүгінгі таңда қауымдастыққа мүше болуға ниет білдіргендердің қатарында «ТРАНКО» ЖШС, Қазтеңізтрансфлот «ҰМС» АҚ, «Қазақстанның автожолшылар қауымдастығы» АҚ, «Asstra Almaty»ЖШС, «МА «Астана» АҚ, «Трансистем» ЖШС, «МА «Ақтөбе» АҚ тағы басқа 19 көліктік компаниялар бар. Жаңа қауымдастыққа көліктік логистикалық қызметті дамытудағы бизнес үдерістерді үйлестіру жүктеледі. Оның ішінде логистика саласындағы нормативтік құқықтық актілерді әзірлеу, көліктік логистика саласында мемлекеттік басқару органдарымен бірлесе отырып бәсекелес ортаны құру, көліктік логистикадағы өзекті жайларды шешудегі ұсыныстарды жасау, халықаралық әріптестік секілді жайлар қарастырылады.

Қауымдастық құру әлемдік тәжірибеде бар. Мұндай құрылымдар Бельгия, Нидерланды, Индонезия, Сингапур, Корея, Ресей секілді елдерде құрылған.

«ҰКЛДО» АҚ, «ҚТЖ» ҰК» АҚ баспасөз қызметі






Syndicate content

«ҚТЖ» ҰК» АҚ трансформациясы
«ҚТЖ» ҰК» АҚ трансформациясы
«ҚТЖ» ҰК» АҚ приватизациясы
«ҚТЖ» ҰК» АҚ приватизациясы
© АО «НК «Қазақстан темір жолы»
Политика информационной безопасности
Ваш отзыв очень важен для нас
Оценка дизайна web-сайта